कृषि सस्कृति र प्रकृतिको समिश्रण गाभरभ्यालि होमस्टे (फोटो फिचर)

बाँके पुस ११ गते ।
पारिवारिक वातावरणमा बसोवास, पर्यटकीय क्षेत्रको घुमफिर र स्थानीय कला, संस्कृति र रीतिरिवाजको अनुभूति दिलाउन बाँके जिल्लाको बैजनाथ गाउँपालिका गाभरभ्यालि होमस्टे सुरु गरिएपछि यहाँको पर्यटन प्रवद्र्धनमा टेवा पुगेको छ ।आन्तरिक तथा बाह्य पर्यटकलाई होमस्टेको अवधारणाले आकर्षित गरेको छ ।

लुम्बिनी प्रदेशको बाँके जिल्ला बैजनाथ गाउँपालिका वडा नम्बर १ गाभरमा केहि बर्ष अघि पर्यटन प्रवद्द्नको बिकासमा केहि टेवा पुगोस भनेर स्थानिय युवा कृष्ण चौधरिले सुरु गरेको होमस्टे व्यवसायले अहिले बाँके जिल्लालाई पर्यटकिय गन्तव्यस्थलको रुपमा सफल भएको छ।अहिले त्यहा ३७ वटा घरमा सामुदायिक होमस्टेका युनिटहरु रहेका छन् ।

छोटो समयमा पर्यटकीय क्षेत्रको पहिचान बनाउन सफल गाभर भ्याली बाँके राष्ट्रिय निकुञ्जको मध्यवर्ती क्षेत्रभित्र पर्दछ । खासगरी आन्तरिक पर्यटकको प्रमुख आकर्षणको केन्द्रविन्दु रहेको गाभर भ्यालीमा मिश्रीत परम्परामा आधारित बस्ति रहेको छ। यहाँ बालबालिका देखि वृद्धसम्मको लागि खानपिन देखि मनोरञ्जनको उचित व्यवस्था गरिएको छ।गाभरबाट चुरे पर्वतका मनोरम दृश्य देख्न सकिने गाभरभ्यालि सामुदायिक होमस्टे व्यवस्थापन समितिका अध्यक्ष कृष्ण चौधरिको भनाई रहेको छ।

कृषि प्रकृति सस्कृतिको बारेमा अध्ययन र अवलोकन गर्न चाहनेहरुको लागि अहिले गाभर भ्यालि प्रयोगशाला जस्तै भएको छ। यहा बिभिन्न थारु सस्कृति झल्काउने परम्परागतत हस्तकला र चित्रकला प्रयोग गरिएको छ।जसको कलाकारिता कैलालीका मिठ्ठु थारुले गरिरहनु भएको छ। उहाँले काठमाडौ ललितकलामा अध्ययन गरे लगत्तै आफ्नो सिपको सदुपयोग गर्नु भएको हो।