बाँके पुस १३ गते ।
वडा प्रहरी कार्यालय नेपालगन्जले नेपालगन्जमा संचालनमा रहेका क्यासिनोमा भारतीय रुपैयाँको छड्के जाँच गरेको छ । नेपालमा प्रतिवन्धित भारतीय दुई सय र पाँच सय रुपैयाँ प्रयोगमा भए नभएको बुझ्न छड्के जाँच गरिएको वडा प्रहरी कार्यालय नेपालगन्जका इन्चार्ज प्रहरी निरीक्षक हरिबहादुर विसीले जानकारी दिए ।
उनले छड्के जाँचका क्रममा क्यासिनोमा नेपाली प्रवेश भए नभएको समेत जाँच गरिएको बताए । जाँचका क्रममा नेपालमा प्रतिवन्धित भारतीय दुई सय र पाँच सय रुपैयाँ नभेटिएको उनले बताए ।
छड्के जाँचको क्रममा नेपालगन्जका क्यासिनोमा नेपालीहरु पनि नभेटिएको उनले बताए । बाँके प्रहरी प्रमुख एसपी सुभाषचन्द्र बोहराको निर्देशनमा वडा प्रहरी कार्यालय नेपालगन्जले नेपालगन्जका क्यासिनो, स्पा र होटलमा छड्के जाँच गर्दै आएको छ । यसअघि पनि स्पा र क्यासिनोमा छड्के जाँच गरिएको थियो ।
Discussion about this post