बाँके माघ ११ गते ।
नेपालगन्ज–कोहलपुर सडकखण्डमा आज विहान भएको सवारी दुर्घटनामा एकजनाको मृत्यु भएको छ । कोहलपुर नगरपालिका वडा नं. १४ पार्वतिपुरमा बस र ट्रक एक आपसमा ठोक्किदा रुपन्देही देवदह नगरपालिका ६ खैरेनी बस्ने राम कृष्ण गोतामेको मृत्यु भएको प्रहरीले जनाएको छ ।
बिहान ७ बजेको समयमा नेपालगन्जबाट जाजरकोट जाँदै गरेको भे १ ख ४०३३ नम्बरको मिनीबस र ना ५ ख ८५६६ नम्बरको ट्रक पार्वतिपुरमा आपसमा ठोक्किएका थिए । मृत्यु हुने गोतामे ट्रकका मालिक रहेको बुझीएको छ । यस्तै मिनीबसमा सवार पश्चिम रुकुम सानोभेरी गाउँपालिका ३ चौकी बस्ने लोकेन्द्र विक र उनका श्रीमती रमकला विक घाइते भएको प्रहरीले जनाएको छ ।
घाइतेहरुको नेपालगन्ज मेडिकल कलेज शिक्षण अस्पतालमा उपचार भइरहेको छ । घटनाबारे थप अनुसन्धान भइरहेको प्रहरीले जनाएको छ।
ADVERTISEMENT
Discussion about this post