सरला सुवेदी
बाँके माघ १५ गते ।
बर्दिया राष्ट्रिय निकुञ्ज अवलोकन गर्ने पर्यटनको संख्या बढ्न थालेको छ। प्राकृतिक बासस्थानमा वन्यजन्तु र प्राकृतिक सौन्दर्य नियाल्न बिदेशिसङ्गै आन्तरिक पर्यटक बर्दिया राष्ट्रिय निकुञ्ज पुग्ने गरेका छन् ।
बर्दिया राष्ट्रिय निकुञ्जमा विशेष गरि प्राकृतिक बासस्थानमा बाघ हेर्न आउने पर्यटनहरुको घुइचो नै हुने गर्छ । बाघसङ्गै निकुञ्ज मुख्यालय ठाकुरद्वारामा रहेको गोहि प्रजनन केन्द्र , कछुवा , गैडा , बाघ हात्ति एवम् थारु सास्कृतिक संग्रहालय अवलोकनको लागि दैनिक सय भन्दा बढिको संख्यामा आन्तरिक पर्यटकहरुको भिड लाग्ने गर्दछ।
निकुञ्ज भित्र जिप सफारी र पैदल मार्गबाटै पर्यटकहरुले विशेष गरि बाघ हात्ती गैडा तथा मृग प्रजाति एवम् जैविक बिबिधताको अवलोकन गरेका हुन्छन् । कोभिडको मारपछि सुनसान रहेको बर्दियाको पर्यटन व्यवसाय बिस्तारै चलायमान हुन थालेको पर्यटन व्यवसायि रामबहादुर थापा बताउनु हुन्छ।
पर्यटको संख्या बडेसङ्गै बर्दिया राष्ट्रिय निकुञ्जले गतबर्षको तुलनामा राजस्व समेत दोब्बर संकलन गरेको छ।
गत आर्थिक बर्षको पौष मसान्तसम्म ९ हजार ६ सय ९३ जनाले बर्दिया राष्ट्रिय निकुन्ज अवलोकन गरेका थिए भने १ करोड ११ लाख राजस्व संकलन भएको थियो। चालु आर्थिक बर्षको पौष मसान्त सम्ममा १२ हजार ३ सय ८२ जनाले बर्दिया राष्ट्रिय निकुञ्ज अवलोकन गरेका छन् भने २ करोड १७ लाख रुपैया राजस्व संकलन भएको बर्दिया राष्ट्रिय निकुञ्जका वरिष्ठ सरक्षण अधिकृत अशोक रामको भनाई रहेको छ।
बर्दिया राष्ट्रिय निकुञ्जमा विशेष गरि बाघ हात्ति गैडा लगायतका दुर्लभ वन्यजन्तुको संख्यामा वृद्धि हुनुको साथै बिभिन्न फाटहरुमा देखिने मृग प्रजातिले पर्यटकको मन लोभ्याउने गर्छ। बाघ लगयातका यिनै वन्यजन्तु एवम् प्राकृतिक सुन्दरता र जैविक बिबिधताको अवलोकन गर्नका लागि पर्यटकको रोजाईमा पर्ने गरेको छ बर्दिया राष्ट्रिय निकुञ्ज ।
Discussion about this post