सरला सुवेदी
बर्दिया माघ २० गते ।
बर्दिया जिल्लाको विभिन्न ठाउँमा गरिएको अनुगमनबाट जलचराको संख्या घट्दै गएको पाइएको छ।जैविक बिबिधताको सरक्षणमा महत्वपूर्ण भुमिका निर्वाह गर्ने जलचराको संख्या प्रत्येक बर्ष घट्ने क्रमले सरक्षणकर्मिलाई चिन्तासङ्गै चुनौती थपिएको छ।
प्रत्येक बर्ष जलचराको सरक्षणमा आएको रिपोर्टमा जलचराको संख्या घट्दै गएपछि पन्छि सरक्षणकर्मिहरु चिन्तित बनेका छन् । जलचरा अनुगमन टोलिले बर्दिया जिल्लाको कर्णाली नदि , गेरुवा नदि,सतखलुवा ताल तथा बढैयातालमा गरेको अनुगमनले जलचराको संख्या प्रत्येक बर्ष घट्दै गएको देखिएको हो।
चराको बासस्थानमा कमि भएपछि आगन्तुक र रैथाने जलचराको संख्यामा कमि हुँदै गएको बर्दिया प्रकृति सरक्षण क्लबका अध्यक्ष राजन चौधरिको भनाई रहेको छ।
कर्णाली नदिमा गतबर्ष २१ प्रजातिका चरा फेला परेका थिए भने यसबर्ष जम्मा १५ प्रजातिका चरा पाइएको छ।त्यसैगरि गेरुवानदिमा गतबर्ष ३१ प्रजातिबाट घटेर २३ र बढैयातालमा भने चराको प्रजाति बढेपनि संख्या भने घटेको तथ्यांक सार्वजनिक गरिएको छ।
चरा बिज्ञहरुको टोलिले प्रत्येक बर्ष जनावरि महिनामा देशैभरिका ६० वटाभन्दाबढि सिमसार एवम् तालतलैया एवम् जलाशयहरुमा हिउँदे आगन्तुक तथा रैथाने चराको गणना गर्ने गर्दछ्न।
नेपालमा करिब नौसय प्रजातिका चराहरु पाइने भएकोले चरा हेर्नको लागि पनि पर्यटकहरु आउने गर्दछ्न। नेपालका सिमसार क्षेत्रमा साइबेरियन लगायतका देशबाट आउने हिउँदे आगन्तुक जलचराको संख्या समेत घट्दै गएको चरा बिज्ञ रामबहादुर शाहिको भनाई रहेको छ।
चोरी शिकार तालतलैया दोहोन बासस्थान बिनाश एवम् जलबायु परिवर्तनका कारण सिमसार क्षेत्र सुक्दै गए पछि जलचरको संख्या घट्दो क्रममा रहेको भन्दै चरा बिज्ञ एवम् चरा सरक्षणकर्मिहरुले जलचराको सरक्षणको लागि लगानि गर्न स्थानीय सरकारसङ्ग अनुरोध गरेका छन् । 
Discussion about this post