बाँके माघ २७ गते ।
नेपाल घरेलु तथा साना उद्योग महासंघ कोहलपुरको आयोजनामा संचालित पाँचौ प्रादेशिक औद्योगिक लघु, घरेलु तथा कृषि प्रविधि ब्यापार एबं पर्यटन महोत्सव –२०८० को अवलोकन गर्ने दर्शनको भिड बढेको छ ।
नेपाल घरेलु तथा साना उद्योग महासघ कोहलपुर नगर समिती तथा महिला उद्यमी समितिको मुख्य आयोजनामा माघ २५ गतेदेखि फागुन ४ गतेसम्म कोहलपुर ११ न्युरोड स्थित खुल्ला मैदानमा प्रादेशिक स्तरीय महोत्सवमा ख्याति प्राप्त गायक गायिका र कलाकारहरुको हरेक दिन प्रस्तुति रहने आयोजकले जानकारी गराएका छन् ।
कोहलपुरमा जारी लुम्बिनी प्रादेशिक महोत्सवमा लोक दोहोरि कार्यक्रमबाट इन्द्रेणिबाट उदायकि टिका सानु र पछिल्लो समय युवाको मनमा बस्न सफल गायक कमल खत्री र कृष्ण रेउलेले कोहलपुर महोत्सवको माहोल तताएका थिए।
महोत्सवको दोस्रो दिन टिका सानुले हेर सानु ,सलल राप्ति भेरि, जस्ता गितले कोहलपुर महोत्सवको माहोल तताएकि थिइन भने कमल खत्रीले तिम्रो आत्मामा तिम्रो आत्मामा , म गित हु तिम्रो , पहिलो माया जस्ता गित प्रस्तुत गरेका थिए भने कृष्ण रेउलेले आज गाउँमा, गाउँमा हल्ला चल्यो जस्ता चर्चित लोक गित , टप्पा गित प्रस्तुत गरेका थिए।
यस्तै आज लोक गायक खेम सेन्चुरि , लोक गायिका भावना गिरि र चर्चित डान्सर आरुषि मगरको प्रस्तुति रहने छ।
Discussion about this post