बाँके माघ २८ गते ।
बाँकेको कोहलपुरमा जारी सुशील कोइराला मेमोरियल अन्डर नाइन्टिन महिला क्रिकेट प्रतियोगिता अन्तर्गत आज दुई खेल हुने भएका छन् । बागमती र लुम्विनी तथा गण्डकी र कोहलपुर मेयर–११ बीच प्रतिस्पर्धा हुने छ । पहिलो खेलमा विहान ९ः३० बजे बागमती र लुम्बिनी प्रदेशले प्रतिस्पर्धा गर्नेछन् ।
भने दिउँसो १ः३० बजे हुने दोस्रो खेलमा गण्डकी र कोहलपुर मेयर–११ बीच प्रतिस्पर्धा हुने छ । प्रतियोगिताको पहिलो दिन हिंजो कोहलपुर मेयर–११ र गण्डकी प्रदेश विजयी भएका थिए । । सबै टिमले एक–अर्कासंग एक खेल खेलेपछि अंकतालिकाको शिर्ष स्थानमा रहने दुई टिमले फाइनल खेल्नेछन् ।
कोहलपुर नगरपालिकाको आयोजना, कोहलपुर नगर खेलकुद विकास समितिको व्यवस्थापन तथा नेपाल क्रिकेट संघको सहकार्य र प्राविधिक सहयोगमा प्रतियोगिता आयोजना गरिएको हो । पाँच टिम सहभागी प्रतियोगिता फागुन ३ गते समापन हुनेछ ।
Discussion about this post