बाँके कार्तिक ८ । राप्ती सोनारी गाउँपालिका वडा नं.७ लाई बाल विवाहमुक्त वडा बनाउने प्रतिबद्धता जनाएका छन् । प्लान इन्टरनेशल नेपालको सहयोगमा राप्तीसोनारी गाउँपालिकाको समन्वय र स्याक नेपालको आयोजनामा २ दिने किशोरीका क्लबकाका पदाधिकारीका लागि साईबर कानुन र सामाजिक सन्जाल मार्फत लेख प्रकाशन सम्बन्धि तालिममा सो वडाका वडा अध्यक्ष रामलखन थारुले सो प्रतिबद्धता जनाएका हुन् साथै उहाँले आफुले बाल विवाह रोकथामलाई प्राथमिकता दिएको र यसमा सम्पूर्ण किशोरी क्लबका सदस्यले साथ दिनु पर्ने र साइबर अपराधबाट बच्नको लागि ईन्टरनेटको सही सदुपयोग गर्नु पर्ने पनि सल्लाह दिनुभयो ।
सो तालिममा राप्ती सोनारी गाउँपालिकाका वडा नं. ७ का समाबेशी किशोरी क्लबका दर्ज किशोरीको सहभागिता रहेको थियो । सो प्राविधिक तालिमका प्रशिक्षक नेपाल युवा परिषद प्रदेश नं. ५ का संयोजक सोम गुरुङले क्म्प्युटरका आधारभुत जानकारी साथै सामाजिक सन्जालबाट कसरी सुरक्षित रहने र साईबर अपराधका बारे पनि प्रशिक्षण दिएका थिए । साथै ईन्टरनेट कसरी सन्चालन गर्ने र ईमेलको फाइदा बारे जानकारी दिएका थिए । साथै त्यसै गरि स्याक नेपालका सुपरभाईजर धन कुमारी थारुले लैगिंक हिंसा र बालविवाह रोक्ने उपायहरुका बारेमा जानकारी गराएका थिइन् । साथै उहाँले सो तालिममा बालबिवाह सम्बन्धि कानूनी ब्यवस्था र यौनहिंसा रोकथाममा किशोर किशोरीको भुमिकाको बारेमा चर्चा गरेकी थिईन् ।
समावेशी किशोरी क्लबका कोषाध्यक्ष प्रेमकला गोसाईले आफूले यस तालिममा साइबर कानुन भनेको के हो ? साईबर क्राइमबाट कसरी बच्न सकिन्छ भन्ने बारे जानकारी पाएको बताइन् । सोही तालिमका अर्का सहभागी समावेशी किशोरी क्लबका अध्यक्ष लोकमाया परियारले सामाजिक सन्जालबाट आफु कसरी सुरक्षित हुने बारे जानकारी पाएको बताईन् । समाजमा बाल बिवाहले पार्ने नकारात्मक प्रभाव र कानूनी ब्यवस्थाका बारेमा जानकारी गराई बालबिवाह रोक्न अभिप्रेरित गर्ने, बालमैत्री र लैंगिक मैत्री बातावरण संचालन गर्न र ईन्टरनेतको सही सदुपयोगमा मद्धत पुग्ने लगायतका उदेश्यका साथ तालिमको आयोजना गरिएको स्याक नेपालका परियोजना प्रबन्धक जगदिश थापाले जानकारी गराउनु भएको थियो । साथै उहाँले बाँकेको आठ वटै स्थानीय तहलाई बाल विवाह उन्मुलन वडा बनाउन रणनिति बनिरहेको र स्थानीय सरकारले समन्वय र सहकार्य गरेको बताए ।
Discussion about this post