बाँके कार्तिक ८ गते । नेपालगन्जको विपी चोक नजिकै भएको आगलागीबाट करोड बढि क्षती भएको प्रारम्भीक तथ्याङ्कले निकालिएको छ ।बिहीबार साँझ पौने ५ बजे नेपालगञ्जको बीपि चोकमा रहेको एउटा सिरक गोदामबाट सुरु भएको आगोले ५ वटा अन्य पसल जलेर ध्वस्त भएकाछन् ।
आगलागीबाट जनता सिरक, हिमालय फर्निचर, रोशनी फर्निचर, आदर्श पुस्तक पसल र फलफूल पसलमा क्षती पुगेको बाँकेका प्रहरी उपरीक्षक वीरबहादुर वलीले जानकारी दिए । उनका अनुसार जनता सिरक, हिमालय र रोशनी फर्निचरमा ठूलो क्षति भएको छ । जनता सिरकले मात्रै रु. ५० लाख बढीको क्षति भएको बताएको छ भने अन्य पसल समेत जोड्दा करोड बढीको क्षति भएको अनुमान गरिएको छ ।
समयमै खबर पायका कारण नेपालगञ्जमा लागेको आगलागीबाट ठूलो दुर्घटना निम्तिनबाट जोगिएको हो । सिरक गोदामबाट सुरु भएको आगोले ५ वटा अन्य पसल जलेर ध्वस्त भएपनि केही मिटरको दुरीमा रहेको पेट्रोल पम्प तथा अन्य पसल भने जोगिएको हो ।
नजिकैको पेट्रोल पम्पमा आगो सल्किएको भए आधा नेपालगञ्ज ध्वस्त हुने खतरा भएको कारण हामीले क्वीक रेस्पोन्स गरी आगो नियन्त्रणमा लिन सफल भयौ’– घटना स्थलमा रहेका जिल्ला विपद व्यवस्थापन समिति बाँकेका अध्यक्ष तथा बाँकेका प्रमुख जिल्ला अधिकारी कुमार बहादुर कार्कीले भने ।
नेपाली सेना, नेपाल प्रहरी, सशस्त्र प्रहरी, रक्षक सेक्युरिटिज फोर्स र स्थानियको सक्रियतामा २ घण्टापछि आगलागी नियन्त्रणमा आएको थियो ।आगो नियन्त्रणका लागि नेपालगन्ज उपमहानगरपालिकाको २, कोहलपुर नगरपालिकाको , राँझा विमानस्थलको , बर्दियाको मधुवन नगरपालिकाको र गुलरीया नगरपालिकाको गरी ६ वटा दमकल प्रयोग गरीएको बाँकेका प्रहरी प्रमुख प्रहरी उपरीक्षक बीरबहादुर ओलीले जानकारी दिए ।
दुई महिना अघिमात्र सोही क्षेत्रमा आगलागि कारण ठुलो छेती भयको थियो ।
Discussion about this post