बाँके चैत ३ गते ।
बाँकेको कोहलपुर नगरपालिका वडा नम्बर १२ मा रहेको सृजना सामुदायिक वनले कोहलपुर क्षेत्रमा रहेका सामुदायिक वन भन्दा पृथक कार्य गरेको छ । बाँके राष्ट्रिय निकुन्जको दक्षिणमा रहेको सृजना सामुदायिक वनले बन्यजन्तुको लागी आहार ब्यबस्थापन तथा सिमसार क्षेत्र निर्माण कार्यलार्ई तिब्रता दिएको छ ।
गर्मी बढेसगै बन्यजन्तुको लागी पानीको सहज ब्यवस्थापन होस भनेर ५ कट्ठा क्षेत्रफलमा पोखरी निमार्ण गरिएको सृजना सामुदायिक वनका अध्यक्ष सुमन पौडेलले बताउनु भयो ।
सामुदायिक वन क्षेत्रमा रहेको पानीलाई यस पोखरीमा बाह्रै महिना रहने गरि कार्य अगाडी बढाइएको छ । पोखरीलाई बहुउपयोगमा ल्याउने योजना पनि सामुदायिक वनसङ्ग रहेको छ । पोखरीमा माछा पालन गरि सामुदायक वनका उपभोक्ताहरुलाई आर्थीकरुपमा समेत अगाडी बढाउनको लागी यस पोखरीले सहयोग हुने सामुदायिक बनको योजना रहेको छ ।
यस सामुदायिक वनमा रहेको भ्युटावरमा आन्तरिक पर्यटकहरुको सख्या बढदै गएको छ पोखरी निर्माणले पर्यटकको सख्यामा दोब्वर बृद्धि हुने सामुदायिक वनले अपेक्षा लिएको छ । भ्युटावरबाट बन्यजन्तुलाई अबलोकन गर्न सकिने छ । पोखरी निमार्णको लागी डिभिजन वन कार्यालय बाँकेले आर्थिक सहयोग गरेको हो ।
Discussion about this post