बर्दिया चैत ८ गते ।
बर्दिया अस्पताल गुलरियामा रेबिज विरुद्धको भ्याक्सिन फागुन १६ गते देखि नहुदाँ बिरामीले सास्ती भोग्नु परेको छ । कुकुर, बिरालो लगायतका जगली जनावरको टोकाइबाट लाग्ने प्राण घातक रोग रेबिज विरुद्धको भ्याक्सिन नहुदाँ बिरामीले सास्ती भोग्नु परेको हो।
बर्दिया अस्पताल गुलरियामा कुकुरले टोकेपछि रेबिजविरुद्धको भ्याक्सिन लगाउन आउनेको संख्या बढ्दै गए पनि मागअनुसारको भ्याक्सिन नहुँदा समस्या आउने गरेको अस्पतालका मेडिकल रेकर्डर केशव न्यौपानेले बताउनु भएको छ। अहिले पनि भ्याक्सिन लगाउन आउने बिरामी यसै फर्किने गरेका बताउनु भएको छ।
स्वास्थ्य कार्यालयको तथ्यांकअनुसार चालू आर्थिक वर्षको चैत १ गतेसम्म आठ सय ९२ जना रेबिजको सुई लगाउन स्वास्थ्य संस्थामा आएका थिए। त्यसैगरी, गत आव ०७९÷८० मा दुई हजार ९० जना कुकुरलगाएतका जनावरले टोकेको भन्दै स्वास्थ्य संस्था पुगेका थिए।
आ.व ०७८÷७९ मा एक हजार पाँच सय ७५ जना, आव ०७७÷७८ मा एक हजार दुई सय ९६ जना र आव ०७६÷७७ मा एक हजार ५८ जना रेबिजविरुद्धको खोप लगाउन आएका कार्यालयले जनाएको छ।
बर्दिया अस्पताल गुलरिया वरिष्ठ मेडिकल सुपरिटेन्डेन्ट डाक्टर सुभाष पाण्डेले हाल बर्दिया अस्पतालमा भ्याक्सिन नभएको बताउनु भएको छ। उहाँले पटकपटक माग गरे पनि विभागमा नै भ्याक्सिन नभएकाले अस्पतालमा भ्याक्सिन नआएको बताउनु भयो।
नेपालको संविधानले मौलिक हकअन्तर्गत धारा ३५ कमा कसैलाई पनि आकस्मिक स्वास्थ्य सेवाबाट वञ्चित गरिनेछैन भनिएको छ। तर, अस्पतालमा एन्टिरेबिविज भ्याक्सिन नहुँदा बिरामीहरुरू मौलिक हकबाट समेत वञ्चित हुनुपरेको छ।
बर्दिया अस्पतालमा एन्टीरेबिज भ्याक्सिन अभाव भएको यो पहिलो पटक भने होइन । प्रायः यस अस्पतालमा भ्याक्सिनको अभाव भइरहेकै हुन्छ । भ्याक्सिन अभावले गुलरियाका मात्र होइन कुकुर, बिरालो, स्यालको टोकाइबाट पीडित भएर ग्रामीण क्षेत्रबाट बाँकेको भेरिसम्म धाउदापनि भ्याक्सिन लगाउन नपाउदा निराश भएर फर्कनु परेको छ।
Discussion about this post