बाँके चैत २७ गते ।
भारतको बेलाघाटमा सवारी दुर्घटनामा परि एक भारतीय सहित ६ नेपालीको मृत्यू भएको छ । भारतको उत्तराखण्ड नैनीताल जिल्लाको बेतालघाटमा दुर्घटना हुँदा जिपमा सवार १० जना मध्ये एक भारतीय सहित ६ जना नेपालीको मृत्यू भएको भारतीय प्रहरीलाई उदृढ गर्दै बाँके प्रहरीले जनाएको छ ।
मृतक आठ जना मध्ये ६ जना बैजनाथ गाउँपालिका ८ थपुवा र फत्तेनगर, बाँकेका रहेको स्थानीय अगुवा प्रेम खत्रीले जानकारी दिए । मृत्यू हुनेमा बैजनाथ गाउँपालिका ८ हसनापुरका ५२ वर्षिय तिलकराम चौधरी, बैजनाथ गाउँपालिका ८ फत्तेनगरका उदयराम चौधरी, फत्तेनगरकै ५० वर्षिय अन्तराम चौधरी, सोही ठाउँका ५० वर्षिय विनोद चौधरी र सोही ठाउँका ४५ वर्षिय धिरज चौधरीको सनाखत भइसकेको बाँके प्रहरी प्रवक्ता डिएसपी नारायण डाँगीले जानकारी दिए ।
गाडीमा सवार फत्तेनगरका विश्राम चौधरीको अवस्था अज्ञात छ । उनको खोजतलास भइरहेको जनाइएको छ ।
दुर्घटनामा बाँसगढी नगरपालिका १ बबई चेपाङ, बर्दियाका ६० बर्षिय टोपबहादुर बस्नेत र गाडी चालक उचाकोट बेतालघाट भारतका ४० बर्षिय रमेश चन्द्रको पनि मृत्यू भएको छ ।
उनीहरु मजदुरीका लागि १७ पुस, २०८० मा भारतको नैनीताल गएका थिए ।
Discussion about this post