बाँके चैत २८ गते ।
नेपालगन्ज उपमहानगरपालिकालाई स्ट्रीट लाइटले सिंगारिने भएको छ । भारतीय सीमा जमुनाहदेखि मनिकापुरसम्म रंगीचंगी स्ट्रीट लाइट जडानको काम अगाडी बढिसकेको नेपालगन्ज उपमहानगरपालिकाका उपमेयर कमरुद्धिन राईले जानकारी दिए ।
उनले नगरको सौन्दर्यकरणका लागि सडकको दायाँ, बायाँ र विच भागमा विभिन्न थरि रंगका स्ट्रीट लाइट जडान भइरहेको बताए । ‘नेपालगन्जलाई झकिझकाउ बनाउने अभियान अन्तरगत पहिलो चरणमा जमुनाहदेखि मनिकापुरसम्मका पोलमा विभिन्न थरिका स्ट्रीट लाइट जडान हुँदैछ । यसले पर्यटकलाई पनि आकर्षित गर्ने आशा छ,’ उनले भने ।
नेपालगन्ज उपमहानगरको सौन्दर्यकरणका लागि उपमहानगरले जमुनाहदेखि मनिकापुरसम्म बर्षभर हरियो रहने विरुवा र बर्षभर फुल्ने फुल रोप्ने अभियान थालेको छ । फुटपाथ अव्यवस्थित हुँदा नेपालगन्जको सौन्दर्य विग्रिएपछि यसको ब्यवस्थापन गरि फुटपाथमा पनि फूल रोप्न योजना बनाएको उपमेयर राईले बताए । ‘नेपालगन्जको सौन्दर्य बढाउन उपमहानगरले रंगीचंगी स्ट्रीट लाइटसँगै फुटपाथ र सडकको वीच भागमा रहेको खाली भागमा बाह्रै महिना हरियो हुने विरुवा र बाह्रै महिना फूल्न फुल रोप्ने अभियान थालेको छ,’ उपमेयर राईले भने ।
नेपालगन्जको सौन्दर्यकरणका लागि जनता समाजबादीका नेता समेत रहेका पूर्व मन्त्री मोहम्मद इस्तियाक राईले यसअघि नै नेपालगन्जमा एक लाख बोटविरुवा र फूल रोप्ने योजना अघि सारेका थिए ।
उनले नेपालगन्जका विभिन्न ठाउँमा बोट विरुवा तथा फलफूलका विरुवा रोपेर अभियान थाले पनि उपमहानगरका तत्कालिन मेयरको असहयोगका कारण सफल भएन । उपमहानगरले अहिले थालेको कार्यले मैले सुरुवात गरेको अभियानमा टेवा पुग्ने छ,’ पूर्व मन्त्री राईले भने, ‘नेपालगन्ज उपमहानगरले नेपालगन्जको सौन्दर्यकरणका लागि थालेको अभियान सह्रानिय छ । यो अभियानमासदैव मेरो साथ रहने छ ।’
पुथपाट ब्यवस्थापनका लागि नगर प्रहरी परिचालन गरिएको बताउँदै उनले सडक छेउमा भइरहेको पार्किङलाई पनि ब्यवस्थित गर्दै लैजाने योजना भएको बताए । ‘नेपालगन्जलाई कसरी सफा सुग्घर बनाउन सकिन्छ भन्ने विषयमा विज्ञहरुसँग राय सुझाव लिइरहेका छौँ । विज्ञले दिएको राय, सुझाव अनुसार उपमहानगर अगाडी बढ्दैछ,’ उनले भने, ‘नेपालगन्जलाई सुन्दर बनाउने अभियानमा कुनै कसर बाँकी राखिने छैन ।’
Discussion about this post