बाँके जेठ ३ गते ।
बाँकेको कम्दी जैविक मार्गको विकास गर्न संरक्षण गर्न सामुदायिक वन पुनःथापना कार्यक्रम सुरु गरिएको छ । तराई भु – परिधि तालको सहयोगमा कम्दी जैविक मार्गमा पर्ने राप्तीसोनारी ६ को राप्ती पीडित तथा गुलरी सामुदायिक वनमा वन पुनर्स्थापना कार्यक्रम अन्तर्गत तारबार गरिएको छ ।
तराई भु – परिधि कार्यक्रमको ५ लाख १० हजार तथा स्थानीय योगदान १ लाख ३२ हजार ९ सय ५० गरि जम्मा ६ लाख ४२ हजार ९ सय ५० रुपैयाँँको लागतमा १ हजार ४ सय ५० मिटर क्षेत्रमा तारबार गरिएको छ । डिभिजन वन कार्यालय बाँके ,सामुदायिक वन तथा वातावरण संरक्षण समन्वय समिति कम्दीको सहयोग समेतमा तरबार गरिएको तराई भु – परिधि कार्यक्रमका फिल्ड सुपरभाइजर तिलक चौधरीले जानकारी दिए ।
कम्दी क्षेत्रमा वन पुनर्स्थापना कार्यक्रमले वन्यजन्तुलाई ओहोरदोहोर गर्न सहजता हुने र पहिलाको तुलनामा जैविक मार्ग प्रभावकारी हुने चौधरीको भनाइ छ । जैविक मार्गको विकास पछी बाँके राष्ट्रिय निकुञ्जका वन्यजन्तुहरु कम्दी जैविक मार्ग हुँदै भारतको सुहेल्वा वन्यजन्तु आरक्ष सम्म ओहोरदोहोर गर्न सहज हुने चौधरी बताउँछन ।
विशेष गरि यस क्षेत्र बाट वन्यजन्तु ओहोरदोहोर गर्ने भएकोले जैविक मार्गको विकास गर्न सामुदायिक वन पुनर्स्थापना कार्यक्रमलाई जोड दिएका हौ उनले भने । तारबार पछि सो क्षेत्रमा वृक्षरोपण समेत गरिने सामुदायिक वन उपभोक्ता समूहले जनाएको छ । सो क्षेत्रको संरक्षण र प्रवर्द्धन पछी वन्यजन्तुहरु ओहोरदोहोर गर्न सहज हुने बताइएको छ ।
Discussion about this post