बाँके कार्तिक १६ गते । ईलाका प्रहरी कार्यालय कोहलपुरले पेस्तोलसहित नेपाल तरुण दल नेपालगन्जका सभापतिलाई पक्राउ गरे पछी आज तरुण दलले कोहलपुरको चोकमा बाटो चक्काजाम गरेका छन । तरुण दलका सभापति लाई झुठो आरोपमा प्रहरीले फसाएको भन्दै आज ११ बजे कोहलपुर चोकमा चक्काजाम गरेका हुन । प्रहरीले कात्तिक १४ गते तरूण दल नेपालगञ्ज नगर सभापति सन्दीपजंग शाहलाई हतियार सहित पक्राउ गरेको थियो । शाही लगायत अन्य ५ जना युवा पक्राउ परेपछि त्यसको बिरोधमा तरुण दल बाँकेले कोहलपुरमा शनिबार नाराजुलुस सहित कोणसभा गरेको हो ।
कोणसभामा बोल्ने तरुण दलका नेताहरुले आफ्ना नेता तथा कार्यकर्तालाई प्रहरीले फसाएको भन्दै सरकार र प्रहरीविरुद्द नाराबाजी गरेका हुन । चक्काजाममा तरुण दल बाँके सभापती बिनोद शाहले आफ्ना कार्यकर्ताहरुलाई सत्ता पक्षले फसाएको आरोप लगाए बोल्दै बिरोध गरेका हुन । उनले पक्राउ परेका सबै तरुणलाई बिनासर्त रिहा गर्न माग समेत गरेका छन ।
पेस्तोलसहित पक्राउ पर्नेमा नेपालगन्ज १३ का ३२ वर्षिय सन्दीपजंग शाह रहेको कोहलपुरका प्रहरी प्रमुख डिएसपी हेम बहादुर शाहीले बताए। डिएसपी शाहीका अनुसार सभापति शाहको बा १८ च ४२११ नम्बरको कारबाट प्रहरीले एक थान अमेरिकन अटोमेटिक पेस्तोलसहित एउटा लोडेड म्यागेजिन बरामद गरेको हो। उनलाई नेपालगन्जको मनिकापुरमा रहेको नमस्ते भिलेज रिसोर्टबाट बिहीबार साँझ ८ः३० बजे नियन्त्रणमा लिइएको शाहीले बताए ।
त्यस्तै अनुसन्धानका लागि कोहलपुर प्रहरीले अन्य थप ५ जनालाई नियन्त्रणमा लिएको छ। डिएसपी शाहीका अनुसार नियन्त्रणमा लिइएकाहरुमा ४० वर्षको दिनेशकुमारी शाही, ५४ वर्षको राघव शाह, ३५ वर्षको पृतम थापा र ३५ बर्षको माधव नेपाली, यामबहादुर बुढा मगर ।
उनीहरुलाइ हातहतियार तथा खरखजानाको मुद्दा चलाइने डिएसपी शाहीले बताए। शाहलाई बिहिवार राती साढे ८ बजे पक्राउ गरिएको हो ।
सो कुरालाई लिएर आज तरुण दलका कार्यकर्ता र नेता
लाई रिहाई गर्ने बिरोध नारा जूलूस निकालेका हुन ।
Discussion about this post