दाङ जेठ १८ गते ।
तुलसिपुर उपमहानगरपालिका २ कुमलगढीमा अटो र मोटरसाइकल एकआपसमा ठोक्किँदा दुई जनाको मृत्यु भएको छ । इलाका प्रहरी कार्यालय तुलसीपुरका प्रहरी नायब उपरीक्षक ठाकुर पोख्रेलका अनुसार मोटरसाइकल चालक बबई गाउँपालिका ४ निवासी ३० वर्षीय राजेश भण्डारी र मोटरसाइलकमा सवार सोही ठाउँका ३१ वर्षीय साकार केसीको मृत्यु भएको हो ।
बिहीबार दिउँसो ४ बजेतिर कुमलगढीमा दुर्घटना भएको हो । दुर्घटना हुँदा गम्भीर घाइते भएका दुवैको नेपालगञ्जमा उपचारको क्रममा बिहीबार राती ९ बजेतिर मृत्यु भएको हो ।कुमलगढीबाट तुलसीपुरतर्फ आउँदै गरेको रा १ ह ४०९६ नम्बरको अटो र विपरित दिशाबाट जाँदै गरेको रा ७ प २५० नम्बर मोटरसाइकल एक आपसमा ठोक्किएका हुन् ।
उक्त दुर्घटनामा परि अटो चालक दाङ शान्तिनगर ७ खैरेनीका ४३ वर्षीय रुद्रबहादुर थापा घाइते हुनुभएको छ । घाइते थापाको नेपालगञ्जमा उपचार भइरहेको छ ।
Discussion about this post