गोरखा असार १ गते ।
गोरखा र चीनको सीमा क्षेत्रमा सशस्त्र प्रहरी र चिनिया सुरक्षाकर्मी टोलिले संयुक्त गस्ती गरेका छन् ।
दुई देशबीचको सिमा क्षेत्रमा पर्ने उत्तरी गोरखाको रुइला भञ्ज्याङस्थित ३५ नम्वर सीमा स्तम्भ आसपास उनीहरुले पहिलो पटक संयुक्त गस्ती गरेका हुन् ।
केही समयअघि उत्तरी गोरखाको चुमनुव्री गाउँपालिका–१ साम्दोमा स्थापित बोर्डर आउटपोस्ट (बीओपी) स्थापना भएको थियो । सोही बिओपीमा खटिएका सशस्त्र प्रहरी र चिनिया सुरक्षाकर्मी मिलेर सीमा आसापस गस्ती गरेका हुन् । गस्तीमा दुवै तर्फबाट प्रहरी निरीक्षकको कमाण्डमा टोली खटिएका थिए ।
गस्तीका क्रममा दुवैतर्फका सुरक्षाकर्मी बीच अनौपचारिक छलफल समेत भएको सशस्त्र प्रहरी बल गोरखा गुल्मका प्रमुख डिएसपी सुमन बोगटीले बताए ।
उनका अनुसार सीमा क्षेत्रमा अवाञ्छित गतिविधि गर्न पूर्ण रुपमा निषेध गर्ने बारेमा छलफल भएको थियो । नियमित सम्पर्क र समन्वयमा रही आपराधिक गतिविधि नियन्त्रण गर्ने समझदारी समेत भएको डिएसपी बोगटीले जानकारी दिए ।
Discussion about this post