बाँके असोज २४ गते ।
बाँकेमा डेढ करोड बढि रुपैयाँको दुर्गा मूर्तीहरु प्रतिष्ठापन गरिएको छ । घटस्थापनाको दिन र पछिल्लो दिन गरि यहाँ तीन सय बढि दुर्गा मूर्ती प्रतिष्ठापन भएको बाँकेका प्रहरी प्रमुख एसपी तुलबहादुर कार्कीले जानकारी दिए ।
उनले सवैभन्दा धेरै नेपालगन्ज नगरमा दुर्गा मूर्ती प्रतिष्ठापन भएको अनलाईन खोजखवरलाई बताए । उनका अनुसार नेपालगन्जमा दुई सय बढि दुर्गा मूर्ती राखिएको छ । ‘नेपालगन्जको अधिकांश गल्ली र चोकमा दुर्गा मूर्ती प्रतिष्ठापन भएको देखिन्छ,’ उनले भने ।
बाँकेमा एक बढि रुपैयाँको दुर्गा मूर्ती प्रतिष्ठान गरिएको अनुमान रहेको बताए । यहाँ ४०–८० हजार मूल्यका मुर्ती प्रतिष्ठापन गरिएका छन् । ‘सरदर ५० हजार रुपैयाँमात्र जोड्ने हो भने पनि बाँकेमा मूर्तीमा मात्र डेढ करोड रुपैयाँ खर्च भएको अनुमान छ,’ उनले भने ।
बाँकेमा राखिएका दुर्गा मूर्ती नेपालगन्ज र केहि भारतीय सीमा बजार रुपइडिहाबाट ल्याइएका हुन् । नेपालमा महंगो पर्ने र राम्रो नहुने भएको भन्दै स्थानीयबासी भारतीय बजार पुग्ने गरेका छन् । ‘भारतबाट मात्र झण्डै सय वटा मूर्ती ल्याएको तथ्यांक छ,’ एसपी कार्कीले भने ।
दुर्गा मूर्तीको सुरक्षाका लागि बाँके प्रहरीले विशेष टास्क फोर्स बनाएको उनको भनाई छ । मूर्ती राखिएका ठाउँलाई प्रहरीले शुक्ष्म निगरानी गरिरहेको उनको भनाई छ ।
Discussion about this post