बाँके कात्तिक १ गते ।
नेपालगन्जस्थित अख्तियार दुरुपयोग अनुसन्धान आयोगको सम्पर्क कार्यालयमा दुई महिनाको अवधिमै १२२ वटा भ्रष्टाचारसम्बन्धी उजुरी परेका छन्।
अख्तियार दुरुपयोग अनुसन्धान आयोगको कार्यालय बुटवल सम्पर्क कार्यालय नेपालगन्जमा चालू आर्थिक वर्ष २०८१÷८२ को हालसम्म १२२ वटा उजुरी दर्ता भएको सो कार्यालयका सूचना अधिकारी झलक केसीले जानकारी दिए । उनले सो कार्यालयमा चालु आर्थिक वर्षको साउनमा ७१ वटा र भदौ महिनामा ४१ वटा उजुरी दर्ता भएको बताए ।
अख्तियार अनुसनधान आयोगले भ्रष्टाचारसम्बन्धी उजुरी प्रत्यक्ष र अप्रत्यक्ष माध्यमबाट लिँदै आएको जनाउँदै सूचना अधिकारी केसीले हुलाक, इमेल, लिखित निवेदन, टेलिफोन लगायतका माध्यमबाट कार्यालयमा उजुरी पर्ने गरेको बताए । अख्तियार दुरुपयोग अनुसन्धान आयोगको कार्यालय बुटवल सम्पर्क कार्यालय नेपालगन्जले बाँके, दाङ, बर्दिया र रोल्पा गरेर चार वटा जिल्ला हेर्दै आएको छ ।
ती जिल्लामा हुने भ्रष्टाचार र विभिन्न अनियमितताका उजुरीमाथि आयोगको सो कार्यालयले अनुसन्धान तथा छानबिन गर्दै आएको छ।
Discussion about this post