बाँके पुस २९ गते ।
बाँकेको कुसुममा ट्यांकरले मोटरसाइकललाई ठक्कर दिदा दुई जनाको मृत्यु भएको छ।
राप्तीसोनारी गाउँपालिका–१ कुसुमस्थित सौरी खोलामा डिजेल लोड गरेर दाङतर्फ जाँदै गरेको ना८ख नम्बरको ट्यांकरले आज बिहान सवा १० बजे मोटरसाइकललाई ठक्कर दिँदा मोटरसाईकल सवार दुई जनाको मृत्यु भएको जिल्ला ट्राफिक प्रहरी बाँकेका निमित्त प्रमुख प्रहरी वरिष्ठ नायब निरीक्षक नन्द प्रसाद पोखरेलले जानकारी दिए।
प्रहरी वरिष्ठ नायब निरीक्षक पोखरेलका अनुसार मोटरसाइकल सवार कैलालीको धनगढी–१४ का अन्दाजी ३३–३४ वर्षका रुपेश बस्नेत र सोही उपमहानगरपालिका–३ का अन्दाजी ४५–४६ वर्षीय घमण शाहीको मृत्यु भएको हो।
आज बिहान पश्चिमबाट पूर्व तर्फ दाङ जाँदै गरेको उक्त ट्यांकरले पूर्वबाट पश्चिम तर्फ जाँदै गरेको मोटरसाइकललाई ठक्कर दिँदा गम्भीर घाइते भएका उनीहरु दुबै जनाको उपचारका क्रममा कोहलपुर मेडिकल कलेजमा मृत्यु भएको निमित्त प्रमुख पोखरेलले बताए ।
ठक्कर दिने ट्यांकर र चालकलाई इलाका प्रहरी कार्यालय कुसुमले नियन्त्रणमा लिएको ट्राफिक प्रहरी बाँकेले जनाएको छ।
Discussion about this post