खोजखबर संवाददाता
बाँके असार १६ गते । बाँकेकोे जानकी गाउँपालिकाका जनप्रतिनिधी तथा कर्मचारीहरुका लागि कानुन र सुशासन बारे दुई दिने अभिमुखीकरण आजदेखि शुरु भएको छ । जानकी गाउँपालिकाको सहकार्यमा सूचना र मानवअधिकार अनुसन्धान केन्द्र नेपालगन्जले आयोजना गरेको अभिमुखीकरण कार्यक्रमको प्रमुख अतिथि उच्च अदालत नेपालगन्जका माननीय न्यायधिस खुशी प्रसाद थारुले उदघाट्न गर्दै स्थानीय तहलाई विभिन्न कानून निमार्ण गर्न अधिकार दिएको बताउनुभयो । उहाँले संघीय पुर्नसंरचनापछि संघ, प्रदेश र स्थानीय गरि ३ वटै तहका काम कर्तव्य अधिकार फरक रहेकाले यसमा नागरिकको सहभागिता र पहुँचको अवस्था सहज बनाएको बताउनुभयो । उहाँले मुलुकी देवानी संहिता, नेपालको संविधान संघीय संरचनाको बारेमा प्रशिक्षण गर्नु भएको थियो । सो कार्यक्रममा बोल्नु हुदै जानकी गाउँपालिकाका प्रमुख प्रशासकीय अधिकृत महेन्द्र जंग शाहीले स्थानीय तहमा सुशासन तथा सूचनाको हक कार्यान्वयन भए मात्रै सुशासनमय गाउँपालिका हुने बताउनुभयो । त्यसै गरि जानकी गाउँपालिकाका उपाध्यक्ष भुमिसरा धितालले स्थानीय तहमा कानुनको बारेमा जानकारी भए मात्रै न्यायिक समितिलाई सहज तरिकाले अगाडि बढाउन सकिने बताउनुभयो ।
सो अभिमुखीकरणको पहिलो दिन अधिवक्ता पदम पाण्डेयले स्थानीय सरकारको काम कर्तब्य जानकारी दिएका थिए । त्यसै गरि आयोजक संस्थाका अध्यक्ष विश्वजित तिवारीले सूचनाको हक बारे अभिमुखीकरण गर्नु भएको थियो । सो अभिमुखीकरण कार्यक्रममा नेपाल बार एसोसिशन प्रदेश नं.५का उपाध्यक्ष अधिवक्ता सुनिल श्रेष्ठ, राष्ट्रिय मानव अधिकार आयोगका प्रमुख चन्द्रकान्त चापागाई र उच्च अदालत नेपालगन्जका रजिष्टार हिरण्य प्रसाद भण्डारीले मुलुकी देवानी संहिता, स्थानीय सरकार र मानव अधिकारको अवस्था र स्थानीय तहको न्यायिक अधिकारको विषयमा प्रशिक्षण हुने आयोजक संस्थाका कार्यकारी निर्देशक राकेश कुमार मिश्रले जानकारी दिनुभयो । सो अभिमुखीकरण कार्यक्रममा जानकी गाउँपालिकाका जनप्रतिनिधि र कर्मचारी गरि ४० बढीको सहभागिता रहेको छ ।
Discussion about this post