काठमाण्डाैं मंसिर ४ गते । केपी शर्मा ओलीले मन्त्रिपरिषद् पुनःगठन गरेका छन् । प्रधानमन्त्री ओलीको सिफारिसमा राष्ट्रपति विद्यादेवी भण्डारीले मन्त्रिपरिषद् पुनःगठन र कार्यविभाजन हेरफेर गरेकी हुन् । नवनियुक्त मन्त्रीहरुको बिहीबार बिहान ११ बजे शपथ हुने प्रधानमन्त्रीको सचिवालयले जानकारी दिएको छ ।
सत्ता सञ्चालनको २१ महिनापछि प्रधानमन्त्री ओलीले पाँच मन्त्रीहरूलाई जिम्मेवारी मुक्त गरेका छन् । केही मन्त्रीहरूको मन्त्रालय हेरफेर भएको छ ।भौतिक पूर्वाधार तथा यातायातमन्त्री रघुवीर महासेठ, सङ्घीय मामिला तथा स्थानीय विकासमन्त्री लालबाबु पण्डित, महिला, बालबालिका तथा ज्येष्ठ नागरिकमन्त्री थममाया थापा, कृषिमन्त्री चक्रपाणि खनाल र उद्योगमन्त्री मातृका यादव मन्त्री पदमुक्त भएका छन् ।
हटाइएका महासेठको ठाउँमा वसन्त नेम्वाङ नियुक्त भएका छन् । सङ्घीय मामिला मन्त्री हृदयस् त्रिपाठी नियुक्त भएका छन् । उनी सूर्य चुनाव चिह्न लिएर निर्वाचित भएका स्वतन्त्र सांसद हुन् । केही समयअघि उनीसहितको समूह नेकपा प्रवेश गर्ने हल्ला चलेको थियो ।महिला तथा बालबालिकामन्त्री पार्वत गुरूङ नियुक्त भएका छन् । उनी दोलखाबाट निर्वाचित सांसद हुन् ।
घनश्याम भुसाल कृषि तथा पशुपन्छी विकासमन्त्री नियुक्त भएका छन् ।भुसाल यसअघि झलनाथ खनालको क्याबिनेटमा बिनाविभागीय मन्त्री थिए।लेख
राज भट्ट मातृका यादवको मन्त्रालयमा जिम्मेवारी सम्हाल्न पुगेका छन् । रामेश्वर राय यादवले गोकर्ण विष्टले सम्हालेको मन्त्रालयको जिम्मेवारी पाएका छन् ।
केपी ओलीको क्याबिनेटमा उद्योगपति मोतिलाल दुगडकोसमेत इन्ट्रि भएको छ । उनले उद्योग मन्त्रालयमै राज्यमन्त्रीको जिम्मेवारी पाएका छन् । नवराज रावतले स्वास्थ्य तथा जनसङ्ख्या मन्त्रालयमा राज्यमन्त्रीको जिम्मेवारी पाएका छन् ।पोहोरै राजीनामा दिन ठिक्क परेका काठमाडाैं ७ बाट निर्वाचित सांसद रामवीर मानन्धरले पनि यसपल्ट राज्यमन्त्रीको जिम्मेवारी पाएका छन् । उनले समाजवादी पार्टीले सम्हालेको सहरी विकासमन्त्रालयमा राज्यमन्त्रीको जिम्मेवारी पाएका हुन् ।
Discussion about this post