बाँके, असार ३ गते ।
बाँकेको कोहलपुरस्थित एनटिभी रोडमा कार र मोटरसाइकल एकआपसमा ठोक्किँदा मोटरसाइकल चालक गोविन्द उपाध्याय घाइते भएका छन्।
दुर्घटनापछि दुवै सवारी साधन अनियन्त्रित भई सडकछेउको बिजुलीको पोलमा ठोक्किएका थिए। पोलमा ठोक्किएलगत्तै सवारी साधनमा आगलागी भएको स्थानीय स्रोतले जनाएको छ।
घटनापछि आगो नियन्त्रणमा लिइएको छ भने घाइते उपाध्यायको उपचार भइरहेको छ। उनको अवस्था खतरामुक्त रहेको प्रहरीले जनाएको छ।
इलाका प्रहरी कार्यालय कोहलपुरका अनुसार दुर्घटनाको कारणबारे थप अनुसन्धान भइरहेको छ। दुर्घटनाबाट सवारी साधनमा क्षति पुगेको छ।
ADVERTISEMENT
Discussion about this post