बाँके मंसीर २० गते ।
हामी सबै मिलेर हिंसाको अन्त्य गरीनु पर्ने एक कार्यक्रममा जोड दिइएको छ ।
महिला मानबअधिकार रक्षक संजाल बाँके र मानबअधिकार सचेतन मन्च (एफा) बाँकेको संयुक्त आयोजनामा १६ दिने महिला हिंसा विरुद्धको अभियान अन्र्तगत आज शुक्रबार नेपालगन्जको विपिचोकमा दिप प्रज्वलन कार्यक्रममा बोल्दै नेपालगन्ज उप महानगरपालिकाकि उप मेयर उमा थापाले हिंसा महिला वा पुरुष जो सुकैमा भएको भए पनि सहन नहुने बताउनु भयो ।
महिला मानबअधिकार रक्षक संजाल बाँकेका अध्यक्ष अछरी पोखरेलको अध्यक्षतामा अयोजित कार्यक्रममा सहभागीले म हिंसा गर्दिन,सहन्न र हुन दिन्न भन्ने प्रतिवद्धता गरेका थिए । मानबअधिकार सचेतन मन्च (एफा) बाँकेका अध्यक्ष शोभना मिश्रद्धारा संचालित कार्यक्रममा नेपालगन्ज उद्योग बाणीज्य संघका उप महासचिव तरा खत्री ,महिला बालबालिका शाखा प्रमुख शोभा शाह,फातिमा फाउण्डेसनका मैमुना सिद्धिकी,अन्र्तपाटी महिला संजाल बाँकेका अध्यक्ष रेखा गुप्ता,रिचा दुवेदी ,स्वास्थ्यकमी अनिता थापा, अधिकारकर्मी उषा भण्डारी , मानवअधिकार कर्मी आलम खान लगायत ३ दर्जन बढिको सहभागीता रहेको थियो ।
१६ दिने महिला हिंसा विरुद्धको अभियान अन्र्तगत हिंसारुपी अध्यारो नाशगरी उज्याले बनाउने उदेश्यले ममबत्ति बालिएको हो ।
समानताको पुस्ता बलात्कार विरुद्ध ऐक्यबद्धता भन्ने नाराकासाथ मनाउन लागिएको ममबत्ति प्रज्वलन कार्यक्रममा विभिन्न मानबअधिकारकर्मीहरु ,विभिन्न सघसस्था,सरकारी गैरसरकारी संस्थाका प्रतिनिधिहरुको सहभागीता रहेको थियो ।
यो अभियान विभिन्न कार्यक्रम गरेर १६ दिनसम्म मनाइने जनाइएको छ ।
Discussion about this post