काठमान्डौ मंसिर २४ गते । यही मंसिर १५ गतेदेखि औपचारिकरुपमा सुरु भएको दक्षिण एसियाली खेलकुद (साग) को १३औं संस्करण मंगलबार समापन हुँदैछ।त्रिपुरेश्वरस्थित दशरथ रंगशालामा सागको समापन भव्य तरिकाले गरिँदैछ।
समापन कार्यक्रम भव्य र छोटो हुने राष्ट्रिय खेलकुद परिषद् (राखेप)का सदस्यसचिव रमेशकुमार सिलवालले जानकारी दिएका छन्। साग समापन समारोहमा प्रधानमन्त्री केपी ओलीले भिडियो कन्फ्रेन्समार्फत सम्बोधन गर्ने भएका छन्। उनले पदक विजेता नेपाली खेलाडीलाई प्रोत्साहनसहित विशेष सम्बोधन गर्ने कार्यक्रम रहेको प्रधानमन्त्रीका प्रेस सल्लाहकार सूर्य थापाले जानकारी दिए।
दशरथ रंगशालामा ३ बजे फुटबलको फाइनपछि खेलाडीको मार्चपास सुरु हुनेछ। मार्चपास सकिएपछि सार्कको १४औं संस्करण आयोजक पाकिस्तानलाई झन्डा हस्तान्तरण गरिनेछ।
समापन समारोहमा सांस्कृतिक कार्यक्रम, विद्यार्थीको प्रदर्शन तथा ब्यान्ड र सराय नाचको विशेष प्रस्तुति रहनेछ। समापन समारोहमा उपप्रधान तथा रक्षामन्त्री ईश्वर पोखरेल,ओलम्पिक कमिटीका अध्यक्ष जीवनराम श्रेष्ठ, राखेपका सदस्यसचिव रमेश सिलवाल र पाकिस्तानका प्रतिनिधिले सम्बोधान गर्नेछन्।
राखेपले दशरथ रंगशालाको क्षमलाई ध्यानमा राखेर साधारण प्यारापिटमा आठ हजार र भीआइपी प्यापिटमा एक हजार दर्शक टिकट बिक्री गरेको छ। टिकट मूल्य साधार प्यारापिटको १ हजार र भीआइपीको २ हजार राखिएको बताइएको छ। यसैगरी समापनका अवसरमा नेपाल भ्रमण वर्षको केही कार्यक्रमसहित आतसबाजी गरिनेछ।
अन्नपुर्ण पोष्ट बाट साभार
Discussion about this post