बाँके पुस १२ गते ।
जातिय बहुल्यताको आधारमा सिमाङकन छुट्याउन थारु अगुवाहरुले माग गरेका छन् ।
शनिवार नेपालगन्जमा चार जिल्लाका थारु अगुवा तथा कार्यकर्ताहरुलाई प्रशिक्षण तथा अन्तरक्रिया कार्यक्रममा उनिहरुले जातिय बाहुल्यताको आधारमा सिमाङकन हेरफेर गर्नुपर्ने माग गरेका हुन् । थारु कल्याणकारिणी सभा केन्द्रिय कार्यसमिति बाँके, बर्दिया, दाङ र सुर्खेतको आयोजनामा भएको प्रशिक्षण तथा अन्तरक्रिया कार्यक्रममा ४ जिल्लाका सय बढि थारु अगुवा कार्यकर्ताहरुको सहभागिता रहेको थियो ।
प्रशिक्षण तथा अन्तरक्रिया कार्यक्रममा सहभागिहरुले अहिलेको राजनीतिमा थारु समुदायको समसामायिक विषयमा बृहत जोड दिने, २०७८ सालमा हुने नयाँ जनगणनाको बारेमा निकासा निकाल्ने, टिकापुर घटनाका आरोपितलाई छानविन गरि बन्दि बनाईएको निर्दोषलाई निसर्त रिहा गर्नुपर्ने लगायतको विषयमा बृहत छलफल गरिएको थारु कल्याणकारिणी सभा बाँकेका अध्यक्ष विनोद थारुले बताउनुभयो । थारु समुदायको बहुल्यता भएको ठाउँमा पनि अरु समुदायको हाली मुहाली रहेको हुनाले यसमा थारु समुदायको समर्थन नरहने गरि सिमाङकन छुत्याउनुपर्ने उनिहरुले धारणा राखेका थिए ।
थारु कल्याणकारिणी सभाका केन्द्रिय सदस्य नेम बहादुर थारुले थारु समुदायको राज्यले थारु समुदायलाई भोटरको रुपमा मात्र प्रयोग गरेको धारणा राख्नुभयो । थारु समुदायको भोटले नै जितेका नेताहरुले नै थारुहरुको समस्या नबुझेको नेम बहादुर थारुले बताउनुभयो ।
राज्य र थारु समुदायलाई प्रयोग गरि माथिल्लो तहमा जाने नेताहरुको चाकडी नगरि अगाडी बढ्ने थारु अगुवाहरुले बताएका छन् । थारु समुदायलाई प्रयोग गरि माथिल्लो ओहोदामा पुगेका नेतालाई कदापी नछोड्ने उनिहरुले चेतावनी दिएका छन् । यस्तो खाले प्रशिक्षण तथा अन्तरक्रिया कार्यक्रम थारुहरुको बस्ती बस्ती टोल टोलमा गरिनुपर्ने उनिहरुले बताएका छन् । थारु समुदायको हकहित र अधिकार प्राप्तीका लागि थाकसले यदि अगुवाई गर्छ भने गाउँ गाउँमा थारु कल्याणणकारिणी के हो ? यसले के काम गर्छ भनेर जानकारी गराउन आवश्यक रहेको थारु अगुवा तथा नेता फुलाराम थारुले बताउनुभयो ।
थरुहट राज्य मागको लािग कति थारुहरु बलिदान भए कति कुटाई खाए तर पनि केन्द्रिय तहमा बसेका थारु अगुवाहरुले थारुहरुको समस्या नबुझेको हुनाले थारु समुदाय पछाडी परेको दुख व्यक्त गरेका थिए । थारु समुदायको मुद्दालाई लिएर सभासद, मन्त्री बन्नेले पनि केन्द्रिय स्तरमा गएपछि विर्सने गरेको उनिहरुले धारणा राखेको थिए । थारु समुदायलाई राज्यले अपहेलना गरे आन्दोलनमा उत्रिने उनिहरुले चेतावनी दिएका ।
अहिलेसम्म अरु समुदायको छुटटै कोटा हुने तर थारु समुदायको लागि राज्यले छुट्टै कोटा नगरेको हुनाले लोकसेवा आयोगमा पनि छुट्टै कोटाको व्यवस्था हुनुपर्ने माग गरेका छन् । प्रशिक्षण तथा अन्तरक्रिया कार्यक्रमलाई थारु कल्याणकारिणीसभाका केन्द्रिय सदस्य नेम बहादुर थारुले प्रशिक्षण दिनु भएको थियो । नेपालगन्जबाटै राष्ट्रिय मुद्दाको विषयमा बहस हुने अध्यक्ष विनोद थारुले जानकारी गराउनुभयो । थारु कल्याणकारिणीसभाले प्रशिक्षण तथा अन्तरक्रिया कार्यक्रम मेची देखि महाकालीसम्म अभियान राखेको आयोजकले जनाएको छ ।
Discussion about this post