सुर्खेत पुस १२ गते । बौद्ध ग्रामिण बहुउद्देश्यीय सहरकारी संस्था लिमिटेड सुर्खेतले आज वीरेन्द्रनगरमा आफ्नो १९औं बार्षिक साधारण सभा सम्पन्न गरेको छ ।
बौद्ध ग्रामिणले “दिगो विकास लक्ष्य प्राप्तकालागि सहकारी” भन्ने नारा लिएर आफ्नो १९ औं बार्षिक साधारण सभा मनाइएको हो ।
कार्यक्रमका प्रमुख अतिथी कर्णलाी प्रदेश सरकारका भूमि व्यवस्था, कृषि तथा सहकारी मन्त्री विमला केसीले बौद्ध ग्रामिण सहकारीको प्रगति देखेर निकै खुशी लागेको बताउनुभयो । उहाँले भन्नुभयो । ५३ हजार शेयर सदस्य हुनुभनेको शेयर पूँजी बढ्नु हो । यो संस्थाको संचालक समिति र कर्मचारीहरुको कामकाज गर्ने तौरतरिका प्रशंसनीय रहेको छ । हामीले सहकारीको कानुन बनाइसकेका छौ । नियमावली पनि बन्दैछ यो कुरामा ढुक्क हुनुहोस । तपाईहरुको कर्णालीका १० जिल्लामा शाखा विस्तार गर्ने लक्ष्य चाँडै नै पुरा हुनेछ ।
यो सहकारीमा लाग्ने सबै शेयर सदस्यहरु आर्थिक हिसाबले सम्पन्न हुन्छन् । साँस्कृतिक सामाजिक सबै हिसाबले सम्पन्न हुनेछन् कु-संस्कारका विरुद्ध लड्छन् गलत संस्कारलाई टिक्नै दिदैनन् । अब यो सहकारीको माध्यमले कर्णाली सम्पन्न हुने देखेको छु । मन्त्री केसीले भन्नुभयो ।
कर्णालीको गरिवी हटाउनका निम्ती कृषी, उत्पादन, लघुउद्यमको माध्यमबाट सरकार जीवन बदल्न चाहेको छ । यस्ता काममा अग्रसर हुने व्यक्तीहरुलाई सरकार विभिन्न कार्ययोजना तयार पारेको मन्त्री केसीले बताउनुभयो ।
त्यस्तै पायनियर बहुउदेश्यीय सहकारी संस्थाका उपाध्यक्ष उपेन्द्रबहादुर खड्काले बौद्ध ग्रामिणले पानी उद्योग सञ्चालन गर्नकालागि कती व्यवधानहरु व्यहोरेको छ त्यो हाम्रा सामु छर्लङ्ग छ त्यसैले भाषण मात्र होइन चाँडै नै काम गरेर देखाउन कर्णाली सरकारलाई अनुरोध गर्नुभयो ।
सभामा बौद्धग्रामिणका प्रमुख कार्यकारी अधिकृत विशाल केसीले लेखा प्रतिवेदन प्रस्तुत गर्नुभएको थियो भने सचिव पसाङ्ग महतराले प्रगति प्रतिवेदन पेश गर्नुभएको थियो ।
संस्थाका अध्यक्ष पञ्चसिंह रोकायाको सभापतित्वमा सम्पन्न सभाको संचालन सविता कोइरालाले गर्नुभएको थियो ।
Discussion about this post