जावेद अन्सारी बाँके पुस २१ गते ।
बाँकेको नेपालगन्ज कोहलपुर सडक खण्डमा सोमवार चक्काजाम भएको छ । आइतवार राँझा चोकदेखि केही भित्र गोरु तस्करी भैरहेको खवर पाएपछि राष्ट्रिय प्रजातान्त्रिक पार्टी युवक संगठनका अध्यक्ष हुकुम केसीको टोलीले रोकथाम गर्न जोख्दा उहाँमाथि भएको आक्रमणको विरोधमा दुई घन्टा चक्काजाम गरिएको हो ।
गाई गोरु हत्या गर्न पाईदैन, पुलिस प्रशासन मुर्दाबाद, दोषीलाई कारवाही गर, लगायतका नारा राप्रपा निकाटका कार्यकर्ताहरुले लगाउदै चक्काजाम गरेका थिए । गौ तस्करी भैरहेको खवर गर्दा पनि प्रहरीले सुनवाई नगर्दा पुलिस प्रशासनको मिलेमतो रहेको विज्रेश बहादुर सिंहले बताउनुभयो । एसपी विर बहादुर ओलीलाई जानकारी गराउँदा गराउँदै पनि गुण्डागर्दीशैलीमा आक्रामण हुनु प्रशासनको मिलेमतो रहेको उहाँले बताउनुभयो । गौ तस्करीमा पनि प्रशासनमा मिलेमतो छ । कमिसन बाजी भैरहेको छ उहाँले भन्नुभयो । यो आन्दोलन प्रशसनले कमजोर नमाने हुन्छ जवसम्म गौ हत्या र गौ तस्करी बन्द हुदैन तवसम्म यो आन्दोलन जारी रहने राष्ट्रिय प्रजातान्त्रिक पार्टी संगठनका हुकुम केसीले भन्नुभयो । चक्काजाम गर्दा नेपालगन्जदेखि कोहलपुर तर्फ जाने साना तथा ठुलो गाडी समेत चल्न पाएका थिएनन् ।
Discussion about this post