खड्क सुनार मुगु पुस २८ गते ।
मुगु जिल्लाको पुर्वी उत्तरीकरान भेगमा पर्ने मुगुमकामरोङ्ग गाउँपालीकामा पटक पटक परेको हिमपातले बिकास निमार्णका काममा ठप्प भएका छन । जिल्लाको चार स्थानीय तहमध्ये उच्च हिमाली क्षेत्रमा अवस्थित गाउँपालिकामा हिमपातले बिकास निमार्णका काम ठप्प भएका हुन ।
मुगु,डोल्फु चितै, किम्री, ताखा, खारी, पुअ,रिउस,दाउरा, सेरोगलगायतका १ नंम्वर वडा देखी ७ वडाका बस्तीमा हिउँले ढाकेपछि गाउँपालिका, गैर सरकारी निकाय र अन्य निकायबाट संचालीत सवै खाले विकास निर्माणका काम अवरुद्ध भएका छन् ।
बाक्लो हिउँले जमिन नछोड्दा सम्म बाटो, खानेपानी, मठमन्दिर, गुम्वा निर्माण, भवननिर्माण, पुल सिचाइ कुलो,लगायतका योजना संचालन गर्न कठिनाइ भएको छ । भारी हिमपातका कारण निर्माणकार्य अवरुद्ध भएको मुगुमकामरोङ्ग गाउँपालीकामा गाउँपालिका प्रमुख छिरिङक्याप्ने लामाले जानकारी दिए ।
माथिल्लो बस्ती मुगु, चितै, डोल्फू,किम्री गाउँका बस्तीमा फागुन अन्तिमसम्म पनि विकास निर्माण अघि बढाउन मुस्किल हुने अध्यक्ष लामाको भनाइ छ । हिउँले असर नगर्ने तल्लो बस्ती छाइल, माग्री, पापु लगायत स्थानमा विकास निर्माणका काम भइरहेको र माथिल्ला बस्तीमा हिउँले रोकिएको अध्यक्ष लामाले जानकारी दिए ।
गाउँपालिकाको सबै भन्दा माथिल्लो बस्ती मुगु गाउँका स्थानीय हिउँ र जाडो छल्न मंसिरको पहिलो सातमामै वेसी तिर झरेपछि गाउँतिर नउक्लिँदा सम्म कुनै पनि बिकास निर्माणका काम संचालन गर्ने अवस्था छैन, तातो लागेपछि चैत र वैशाख महिनामा स्थानीय गाउँतिर उक्लिएपछि बल्ल ेआर्थिक वर्षको विकास निमार्र्ण े काम सुरुवात हुने विगतका वषहरु झै यो वर्ष हुने स्थानिय वताउछन ।
यसै बिच हिउँदको समयमा मुगुम कार्मारोङ्ग गाउँपालिका अत्याधिक हिमपात हुने र चिसोले जनजीवन प्रभावित हुने भएकाले त्यस क्षेत्रमा रहेका विद्यालयमा हिउँदे बिदा दिइएको छ ।
छाँयानाथ रारा नगरपालिका, खत्याड र सोरु गाउँपालिकाका सबै विद्यालयमा वर्र्षे्बिदा हुने गरे पनि मुगुमकामरोगं गाउँपालिकामा अत्याधिक चिसोका कारण हिउँदे बिदा हुने गरेको हो । चिसोका कारण त्यस क्षेत्रका विद्यालयमा पुस १५ गतेदेखि फागुन १५ गतेसम्म विद्यालय बन्द हुने गरेका मुगुमकामरोगं गाउँपालिका प्रमुख छिरिङक्याप्ने लामाले बताए ।
उनका अनुसार मुगुुमकामरोगं गाउँपालिका रहेका विद्यालयमा माथिल्लो क्षेत्रमा हिउँदे बिदा भएको भएपनि तल्लो क्षेत्रमा रहेका विद्यालय लाई सञ्चालनमा रहेका बताए। तल्लो क्षेत्र बुद्ध मावि माग्री र छायलको विद्यालयमा वर्षे्बिदा हुने गरेका छन् । बन्द भएका विद्यालयमा फागुन १५ गते पछि मात्र पठन पाठन सुचारु गरिने बताइएको छ। त्यस क्षेत्रमा १७ सामुदायिक र १ संस्थागत गरी १८ विद्यालय रहेका छन् ।
Discussion about this post