बाँके पुस २८ गते । नेपालगञ्ज मेडिकल कलेज शिक्षण अस्पतालले बिरामीहरुलाई स्वतन्त्र रुपले औषधि खरिद गर्न नपाउने र भित्रै बाट खरिद गर्नु पर्ने जस्तो बाध्यात्मक अवस्था सिर्जना गराए पश्चात औषधि व्यावसायीहरूले आन्दोलन गरेका थिए ।
नेपालगञ्जमा उपचारका लागि आउने विरामीले औषधि अस्पतालको फार्मेसीबाट मात्रै किन्नु पर्ने प्रावधान लागु गरेपछि आइतबार मेडिकल कलेज बाहिर रहेका करिब ३५ औषधि फार्मेसी आन्दोलनमा मेडिकल बन्द गरेको नेपाल औषधि व्यवसाय संघ भेरी अञ्चलका अध्यक्ष अभय बस्नेतले जानकारी दिनुभयो ।
मेडिकल कलेजले विरामीले अस्पतालको फार्मेसीबाट मात्रै औषधि किन्नु पर्ने बाध्यात्मक अवस्था सृजना गरेपछि आफुहरु आन्दोलन गर्न बाध्य भएको औषधि व्यावसायि संघ भेरीका अध्यक्ष अभय बस्नेतले बताउनु भयो ।
नेपालगन्ज मेडिकल कलेज शिक्षण अस्पतालका सह निर्देशक डा. नितेशकुमार कनोडियाले अस्पतालले सुलभ दरमा र विरामीलाई सहज हुनेगरी अस्पतालले फार्मेसी सञ्चालन गरेको दाबी गरेका छन। जसका कारण बिरामीलाई पनि सहज भएको उहाले बताउनु भयो ।
यसैबीच आन्दोलनरत औषधि व्यावसायी र मेडिकल कलेज प्रशासन बीच आईतबार भएको वार्तापछि तीन जना औषधि व्यावसायी संघका प्रतिनिधि र मेडिकल कलेजबाट २ जना गरी पाँच जनाको अध्ययन समिति निर्माण गर्नुको साथै अस्पतालमा आउने विरामीले आफु खुसि औषधि खरिद गर्न पाउने सहमति भएको छ ।
बस्नेतले उपभोक्ता हित अनुसार बाध्यात्मक परिस्थिति नगर्नको लागि प्रमुख जिल्ला अधिकारी सहितको निर्देशन भएको र अस्पतालले पनि बाध्यात्मक अवस्था सृजना नगर्ने सहमति भएको जानकारी दिएका हुन ।
Discussion about this post