बाँके पुस २८ गते । बाँकेको राप्तिसोनारी गाउँपालिका ७ सर्रामा माघीको अवसरमा बहुभाषिक साँस्कृतीक प्रतियोगिता तथा माघी महोत्सव सम्पन्न गरीएको छ ।
माघी को अवसर पारेर थारु गोचाली समाज बाँकेको आयोजनामा राप्ती सोनारीका गाउँ पालीका वडा नम्बर ६ र ७ को सयुक्त समन्वयमा बहुभाषिक साँस्कृतिक प्रतियोगिता सम्पन्न गरीएको हो ।
प्रमुख अतिथि रहेका बाँके निर्वाचन क्षेत्र नं. १ का संघिय साँसद महेश्वर गहतराज अथकले उद्धघाटन गर्दै थारु समुदायको संस्कृति नेपालमै फरक रहेको र यसको संरक्षणमा लाग्न अनुरोध गरेका थिय नेपाल बहुजातीय बहुभाषिक र बहुसांस्कृतिक मुलुक भयकाले यहाँ हरेक जातजातिको धर्म संस्कृति तथा चाडपर्व को सबैले सम्मान गरेका छन र सबै जातजाति को चाडपर्वमा सबै रमाउने गरेको ले यस्को महत्व झन झल्किएको जनायका छन । थारु संस्कृती नेपालकै प्रमुख संस्कृती मध्य एक भएको जिकिर गर्दै अथकले परम्परागत संस्कृतीको सदुपयोग गरी आफ्नो क्षेत्रको विकासमा टेवा पुर्याउन थारु अगुवाहरुलाई आग्रह समेत गरेका थिए ।
त्यसै गरी कार्यक्रम का अर्का अथिती ५ नं. प्रदेश सदस्य कृष्णा केसी नमुनाले संस्कृतीक विकासबाट मात्रै जातीय विकास सम्भव हुने बताईन । आदिवासी थारुहरु तराईका भुमीपतीका रुपमा रहेको जिकीर गर्दै नमुनाले पछिल्लो समय मौलाउँदै गएको पश्चिमा संस्कृतीले थारु समुदायको ईतिहास मेटिदैं गएको भन्दै चिन्ता ब्यक्त गरेकी थिईन ।
कार्यक्रममा राप्तीसोनारी गाँउपालिका वडा नं. ६ का वडाध्यक्ष जनक थारु र ७ नं. वडाध्यक्ष रामलखन थारु लगाएतले शुभकामना मन्तब्य राखेका थिए ।थारु संकृतीको पहिचान तथा कला संकृतिको संरक्षणकालागि कार्यक्रम संचालन गरीएको थारु गोचाली समाज नेपाल बाँकेले जनाएको छ ।
थारु वर्ष २६४३ शुभारम्भ भएको अवसरमा आयोजित कार्यक्रममा थारु साँस्कृतीक झाँकी सहितको प्रस्तुती देखाईएको थियो । कार्यक्रममा बिभिन्न समुह निर्माण गरी ११ समुहले साँस्कृतिक प्रस्तुती बाट आफ्ना कला संस्कृति लाइ स्टेज बाट प्रस्तुत गरेका थिए । कला र संस्कृतिको संरक्षण गर्न प्रतिस्पर्धा मार्फत आगामी पुस्तालाई आफ्नो कला संस्कृति को हस्तान्तरण गरेर यस्को संरक्षण गर्ने आयोजक ले जनायको छ । एकदिने कार्यक्रममा स्थानीयहरुको उल्लेखनीय सहभागिता रहेको थियो ।
Discussion about this post