जनकपुरधाम माघ ३ गते । समाजवादी पार्टीका अध्यक्ष उपेन्द्र यादवले शुक्रबार जनकपुरधाममा पार्टीको प्रदेशस्तरीय संगठन सुदृढीकरण तथा विस्तार कार्यक्रमको उद्घाटन गरेका छन ।
सो उद्घाटन क्रममा बोल्दै अध्यक्ष यादव ले संविधान संशोधनका लागि दबाब दिन संघर्षमा उत्रिनुपर्ने र त्यसका लागि संगठन बलियो बनाउनुपर्ने आवश्यकता रहेको बताएका हुन ।
उनले संगठन सुदृढिकरण अभियान ३ महिनासम्म चल्ने र कार्यकर्ताले यो समय पार्टीलाई दिनुपर्ने बताए । यो अभियान तीन महिनासम्म जारी रहन्छ’ अध्यक्ष यादवले भने, यो तीन महिनाको समय सम्पूर्ण नेता कार्यकर्ताले पार्टीलाई दिनु पर्ने जरुरी छ । उनले यो अभियानमा नजुट्ने नेता कार्यकर्ताको पार्टीले त्यही अनुरुप मुल्यांकन गर्ने समेत बताए । मुलुकमा अराजकता र बेतिथीले चरम सीमा नाघेको बताउँदै उनले देशमा सुशासन कायम गर्दै निकास दिने अभिभारा पार्टीको काँधमा आएको बताए ।
सो कार्यक्रममा पार्टीका केन्द्रीय उपाध्यक्ष रेणु यादवले मुलुकमा पूर्ण समानुपातिक निर्वाचन प्रणाली र प्रत्यक्ष निर्वाचित राष्ट्रपतीय प्रणाली लागु नभएसम्म समाजवादको परिकल्पना गर्न नसक्ने बताइन् ।
उनले पार्टीभित्र रहेको गुट उपगुटको अन्त्य गर्दै सबै जिल्लामा पार्टी कार्यालय स्थापना गर्नुपर्ने समेत बताइन् ।
Discussion about this post