काठमाडौं माघ ९ गते । भैरहवाबाट काठमाण्डौतर्फ आउँदै गरेको भारतीय नम्बर प्लेटको कारमा सवार दुई जना पक्राउ परेका छन ।
प्रहरी वृत्त थानकोट तथा महानगरीय प्रहरी प्रभाग नाँगढुंगाबाट खटिएको प्रहरी टोलीले चेक प्वाइन्टमा भैरहवाबाट काठमाण्डौतर्फ आउँदै गरेको भारतीय नम्बर प्लेटको डि एल २ सि.ए.टि ७०१७ दिल्ली नम्बर प्लेटको कार सहित दुई जनालाई प्रहरी ले पक्राउ गरेको हो ।
विशेष सूचनाको आधारमा बुधवार बिहान कारमा खानतलासी गर्दा कारभित्र रहेको एयर बैग, सिट, डिकी लगायत बिभिन्न स्थानहरूमा सैमसंग, ओप्पो, आईफोन, रेडमी, रियलमी, एमआई, भिभो, शाओमी, लेनोवा, हुवाई, एलजी, नोकिया लगायतका विभिन्न १८ वटा ब्राण्डका ६३४ वटा मोबाईल तथा एलसीडी, टच स्क्रिन ८६ थान सहित फेला परेको प्रहरी ले जनाएको छ ।
पक्राउ पर्नेमा काठमान्डौ महानगरपालिका -३४ बस्ने ४० वर्षीय उमेश भट्ट र जिल्ला सिन्धुपाल्चोक चौतारा-९ घर भएका ३५ वर्षीय ईन्द्र बहादुर कटुवाल रहेका छन् ।
मोबाईलहरु बिल भर्पाई नभएको अवस्थामा बरामद गरीएको हो । उक्त मोवाईलहरूको अनुमानित बजार मुल्य १ करोड ५० लाख रूपैया रहेको छ ।
सो सम्बन्धमा थप अनुसन्धान तथा कार्वाहीको लागि सम्बन्धित निकायमा बुझाउने तयारी भैरहेको प्रहरी ले जनाएको छ ।
Discussion about this post