दाङ माघ ९ गते । दाङ – बिहान ९ बजे नै प्रदेशसभा सदस्य तथा स्थानीय पालिकाका प्रमुख–उपप्रमुख मतदान गर्न लाइन लागिसकेका थिए ।
दश बजेपछि मतदानका लागि प्रवेशद्वार खुल्यो । मुख्यमन्त्री, मन्त्री र सभामुख पहिले नै मतदान स्थलमा पुगिसकेका थिए । मुख्यमन्त्री शंकर पोखरेलले पहिलो मतदान गरे । मतदानमा सहभागी हुँदै उनले प्रजातान्त्रिक अभ्यासको प्रयोग गरिएको बताए । बिहान १० बजेदेखि सुरु भएको मतदान बेलुका ४ बजेसम्म चल्ने छ ।
कर्मचारी मिलनकेन्द्र ‘क’ मतदान केन्द्रमा प्रदेशसभाका सदस्यहरुले मतदान गरिरहेका छन् भने ‘ख’ मतदान केन्द्रमा नगरपालिकाका प्रमुख–उपप्रमुख र गाउँपालिकाका अध्यक्ष–उपाध्यक्षले मतदान गरिरहेका छन्। यो प्रदेशमा कूल तीन सय पाँचजना मतदाता रहेका छन्।
प्रदेशसभा सदस्य तथा नगरपालिकाका प्रमुख–उपप्रमुख र गाउँपालिकाका अध्यक्ष–उपाध्यक्षका लागि छुट्टाछुट्टै रङका मतपत्रको व्यवस्था गरिएको छ । प्रदेशसभा सदस्यहरुले सेतो पृष्ठभूमिमा हरियो रङमा छापिएको मतपत्र छ भने नगरपालिकाका प्रमुख–उपप्रमुख र गाउँपालिकाका अध्यक्ष–उपाध्यक्षले सेतो पृष्ठभूमिमा रातो रङमा छापिएको मतपत्रमा मतदान गरेका छन् ।
यो प्रदेशमा तीन पदका लागि नौजनाबीच प्रतिस्पर्धा छ । जसमा महिलातर्फ दुई, अपांगता वा अल्पसंख्यकतर्फ तीन र अन्यमा चार गरी नौजना उम्मेदवार रहेका छन् ।
महिलातर्फ नेपाल कम्युनिष्ट पार्टी (नेकपा) बाट वाणगंगा नगरपालिका–८ ढोडेकोल कपिलवस्तुुकी विमला घिमिरे र नेपाली कांग्रेसका तर्फबाट लमही नगरपालिका–५ की गिरिजादेवी न्यौपाने, अल्पसंख्यक र अपांगतातर्फ नेकपाबाट तुलसीपुुर उपमहानगरपालिका– १२ का जगप्रसाद शर्मा, कांग्रेसबाट नेपालगञ्ज उपमहानगरपालिका–५ का मेराज अहमद हलवाई र समाजवादीका नेपालगञ्ज उपमहानगरपालिका– ७ का सुुनीलकुुमार सिंघल उम्मेदवार छन् ।
त्यस्तै अन्यमा नेकपाका रुपन्देहीको तिलोत्तमा नगरपालिका–५ का गोपाल भट्टराई, कांग्रेसका छत्रदेव गाउँपालिका– ४ अर्घाखाँचीका बालकृष्ण पाण्डे, राष्ट्रिय जनमोर्चाका कपिलवस्तुु नगरपालिका–९ का शिवप्रसाद पौडेल र समाजवादी पार्टीका गुुलरिया नगरपालिका–१ बर्दियाका कृष्णप्रसाद अहिर उम्मेदवार छन् ।
कुल तीन सय पाँच मतदातामध्ये प्रदेशसभा सदस्य ८७ र एक सय नौ स्थानीय तहका प्रमुुख–उपप्रमुुख गरी दुुई सय १८ जना रहेका छन् । जसमा प्रदेशसभातर्फ प्रति मतदाता ४८ मतभारका दरले ४१७६ तथा स्थानीय तहतर्फ प्रतिमतदाता १८ का हिसाबले ३९२४ मतभार गरी कुल ८१०० मतभार रहेको छ ।
Discussion about this post