बाँके माघ १५ गते । सरकारले व्यक्तिको नाममा गएको नेपालगन्ज बागेश्वरी मन्दिरको जग्गा फिर्ता गर्ने तयारी गरेसँगै जग्गा किनेर बसेका बासिन्दाहरु आन्दोलित भएका छन् ।
मन्दिरको जग्गा व्यक्तिको नाममा परिणत भएसँगै त्यो जग्गा किनेर बसेका स्थानीय बासिन्दाहरु ‘आफुहरुको के दोष’ भन्दै आन्दोलनमा उत्रिएका हुन् ।
मन्दिरको जग्गा किनेर बसेकाहरु इन्द्रपुरबाट नारा जुलुशसहित आज वीपीचोकमा आएर प्रदर्शन गरेका छन् । सरकारद्धारा गठित सार्वजनिक, सरकारी र गुठी जग्गा संरक्षणसम्बधन्धी जाँचबुझ आयोगले पाँच महिना लगाएर अध्ययन गरेपछि व्यक्तिको नाममा गएको मन्दिरको जग्गा फिर्ता गर्नुपर्ने रायसहित सरकारलाई प्रतिबेदन बुझाएको थियो । त्यही प्रतिवेदनका आधारमा सरकारले मन्दिरको जग्गा फिर्ता गर्ने तयारी गरेको छ ।
डेढ सय बर्षदेखि जग्गाको तिरो तिरेर बसेका स्थानीय बासिन्दाले हचुवाको भरमा सरकारले निर्णय गरेको आरोप लगाएका छन् । २०११ सालदेखि तिरो तिरेर बसेको ठाउँबाट सरकारले उठाउन खोजे चुप लागेर नबस्ने स्थानीय दीपक मल्लले चेतावनी दिनुभयो । उहाँले कागज र प्रमाण हेरेर छानविन गर्न आग्रह समेत गर्नुभएको छ । आजको आन्दोलनलाई सांकेतिक भनेका स्थनीयले सरकारले हटाउन सशक्त आन्दोलनको चेतावनी दिएका छन्। आयोगले मन्दिरको ८४ विघा जग्गा व्यक्तिको नाममा गएको ठहर गर्दै फिर्ता गर्नुपर्ने रायसहितको प्रतिवेदन सरकारलाई दिएको छ ।
Discussion about this post