खड्क सुनार मुगु माघ १९ गते ।
मुगु लगायत कर्णालीका जिल्लामा विगत एक महिना दिन देखि अवरुद्ध भएको एडिसिएल ईन्टरनेट सेवा सुचारु भएको छ ।
गत पुस १७ गतेबाट अबरुद्ध भएको नेपाल टेलिकमद्धारा वितरित एडिएसएल ईन्टरनेट सुचारु भएको हो ।
कर्णालीका जिल्लामा भएको बाक्लो हिमपात संगै जुम्लाको डांफे र दैलेखकको माहावुमा रहेको रेडियो लिंक टावरमा समस्या आएपछी साविकका कर्णाली मुगु, हुम्ला, जुम्ला,डोल्पा,कालीकोट जिल्लाको अधिकाँश क्षेत्रमा सञ्चार सेवा प्रभावित भएको थियो ।
एक महिना दिनदेखि एडिएसएल इन्टरनेट सेवा ठप्प भएको समचार बिभिन्न पत्रपत्रिका अनलाईनमा बारम्बार प्रकाशीत भएपछी र समाचारलाई कार्यन्वन गरी कर्मचारी काममा निरन्तर खटिएपछी शुक्रबार साझँ बाट ईन्टरनेट सेवा सुचारु भएको हो ।
हिमपात संगै अवरुद्ध भएको नमस्ते मोवार्ईल सेवा दुई साता पछी सुचारु भएको थियो भने ईन्टरनेट सेवा शुक्रवार बाट मात्रै सुचारु भएको नेपाल टेलिकम क्षेत्रीय कार्यालय नेपालगञ्जले जनाएको छ ।
सेवा अवरुद्ध भएपछि जिल्लामा सूचना–सम्पक लगायत दैनिक सरकारी तथा गैह सरकारी कार्यलय बाट प्रवाह गरिने सेवामा नागरीकहरुलाई सास्ति भएको थियो ।
एक महिना देखि एडिएसएल सेवा प्रभावित हुंदा बिशेष गरी बैंक तथा बित्तिय संस्थाहरुको कारोवार अवरुद्ध भएको थियो भने जिल्लास्थित सञ्चार माध्ययमहरु लाई निकै प्रभावित बनाएको थियो ।
देशकै प्रमुख पर्यटकीय क्षेत्र रारामा फ्रोरजी सेवा समेत नचल्दा यहाँ आएका आन्तरिक तथा बाह्य पर्यटकले राराको सौन्दर्यता इन्टरनेटमार्फत आफन्तजनसँग साट्न पाएका थिएनन् ्। इन्टरनेट नहुँदा स्वयं नेपाल टेलिकमको मुगु कार्यालयलाई समेत विल भुक्तानी, सिम बिक्रीलगायतका काम गर्न समेत गाह्रो भएको थियो ।
टेलिकम क्षेत्रीय कार्यालय नेपालगञ्जका प्रमुख अनन्त मल्लिकका अनुसार कर्णालीमा बाक्लो हिमपात पछि नेपाल टेलिकमको दैलेखको महावु र जुम्ला जिल्लाको डाँफे लेखमा राखिएको रेडियो लिङ्कमा समस्या आएको र पटक पटक प्राविधिक टोली लेखमा चढ्न खोजे पनि मौसममा आएको खरावीका कारण केहि समय ढिलो हुन परेको बताए । लेख चढन नसकेर समस्या लम्बिएको, भएपनी प्राविधिक टोली जुम्लाको डाफें लेख र दैलेखको महावु लेखमा पुगेर समस्या समधान गरे पछी शुक्रबार बाट इन्टरनेट सेवासुचारु भएको बताए ।
यसै बिच जिल्लामा नेपाल टेलिकम सँगै निजी क्षेत्रका इन्टरनेट सेवा प्रदायक सस्था वल्डलिङ, एनसेल र सुविसुले समेत जिल्लामा आफ्नो सेवा विस्तार गरेको भए पनि यी संस्थाका सेवा नाम मात्रका रहेका छन् । यिनीहरूले वितरण गरेका इन्टरनेटको गती सुस्त रहेको छ । नेटवर्क गएको हप्तौ दिन वितेको र यो कति लम्विने निश्चित नभएकाले अग्रिम भुक्तानी गरेका जिएसएम डाटा र एडिएसएलका सेवाग्राहीको अवधि के हुने हो भनेर सेवाग्रही चिन्तित देखिन्छन् ।
Discussion about this post