खड्क सुनार मुगु माघ १९ गते ।
छायाँनाथ रारा नगरपालीका वडा नं १४ बाम गाउँमा वनको अनुगमन निरिक्षणमा गहेका डिभिजन वन कार्यलय मुगुका कर्मचारी माथि नेकपा विप्लव समुहका कार्यकताले हातपात गरेका छन ।
बुधबार दिउसो बाम गाँउमा डिभिजन वन कार्यालय मुगुका कर्मचारीहरुले गाँउलेहरुलाई भेला गरि वन संरक्षण र यसका फाईदा बारे स्थानिनयहरुलाई सचेतना दिई रहेका बेला आफनो अनुमती नलिई कार्यक्रम गरेको भन्दै नेकपा(विप्लव)का कार्यकताहरुले वनका कर्मचारीहरु माथी हातपात गरेका हुन ।
गाँउका २ वटा सामुदायिक वनहरु चंखेली सामुदायिक वन र मिन डाँड सामुदायिक वनहरुमा स्थानियले सामुदायिक नवमा फडानी तिव्र भन्ने समाचार अनलाईनखोज खवरमा प्रकाशित भएपछी त्यसको बारेमा बुझन वनको अनुगमन तथा निरिक्षण गर्न गाउँ गहेका वनका कर्मचारी अधिकृत,रेन्जर र वन रक्षक सहितको ६ जनाको टोलीमाथि नेकपा विप्लव समुहका कार्यकताले कर्मचारी माथि हातपात गरेका डिभिजन वनकार्यलय मुगुले जनाएको छ ।
फडानी भएका वनहरुको स्थलगत निरिक्षण गर्न र गाँउलेहरुलाई सचेतना दिन डिभिजन वन कार्यालय मुगुबाट गएका वन रक्षक राजाराम रावल , दिपेश कुमार मल्ल , वन अधिकृतहरु तिल बहादुर शाही , प्रनिल देवकोटा,दिनेश रामदाम र रेन्जर सागर वस्याल माथी हातपात भएको थियो ।
दिउसो १२ बजे तिर गाँउलेहरुलाई भेला गराएर वन फडानी नगर्न,फडानी गरे कानुनी सजाय,वन जोगाए हामीलाई हुने फाईदा र वन मासिदै गए ुहुने असर बारे जानकारी गराउदै गर्दा एक्कारी गाँउलेहरुको भिडबाट नेकपा छाँयानाथ रारा नगरपालिका नगर कमिटी संयोजक धनमानसिंग बुढुवाल निस्केर हाम्रो अनुमती विना गाँउमा किन कार्यक्रम गरेको,यो हाम्रो ईलाका हो हाम्रो अनुमती विना केहि पनि गर्न पाईदैन भन्दै जिल्लाबाट लिएका कागजात,निर्णय रजिस्टर च्यातेको र कार्यक्रममा उपस्थित कर्मचारीहरुलाई हातपात गरेको पिडित कर्मचारीहरुले बताएका छन ।
कर्मचारी माथी हातपात भएको खबर पाउना साथ जिल्ला प्रहरी कार्यालय मुगुबाट कर्मचारीको सुरक्षा र हातपात गर्ने विप्लव कार्यकताहरुलाई पक्राउ गर्न प्रहरी घटना स्थल तर्फ गएको थियो ।
प्रहरी आएको चाल पाएपछि विप्लवका कार्यकर्ताहरु गाँउ छोडी भागेका थिए । दिउसो ४ बजे घटना स्थलमा पुगेको प्रहरी कर्मचारीलाई सुरक्षा दिदै सदरमुकाम फर्किएको छ । कर्मचारीहरु शकुसल रहेको र सामान्य हातपात गरेकाले कोही कर्मचारीहरुलाई ठुलै चोट पटन नलागेको प्रहरीले बताएको छ ।
घटना स्थल जिल्ला सदरमुकाम गमगढीबाट ३ घण्टा पैदल दुरीमा रहेको छ ।
Discussion about this post