बाँके माघ २१ गते । बाँके जिल्लामा सामुदायिक विद्यालयमा प्रारम्भिक कक्षा पढाइ कार्यक्रम लागुभएको छ । प्रारम्भिक पढाइ कार्यक्रम लागूभए संगै धेरै बालबालिकाले राम्रो पढाइ तथा सिकाइ उपलब्धि हासिल गर्न सफल भएको बताईएको छ ।
कार्यक्रममा राप्तीसोनारी गाउँपालिकाका अध्यक्ष लाहुराम थारुले सामुुदायिक विद्यालयको शिक्षाको गुुणस्तरबृद्धिका लागि सानो कक्षाको पढाइलाई प्रभाकारी बनाउन शिक्षक र अभिभावक लाग्नुपर्ने बताएका छन् । साथै उनले परम्परागत शिक्षणले शिक्षामा आमूल परिवर्तन गर्न नसक्ने भएकाले आधुनिक शिक्षण विधि अपनाउनुपर्नेमा जोड दिँदै राप्तीसोनारी गाउँपालिकाले शिक्षाको विकासका लागि विशेष योजनाका साथ आफ्ना कार्यहरु गरिरहेको जानकारी दिएका छन् ।
प्रारम्भिक कक्षाको पढाइ प्रभावकारी गराउन आयोजना गरिएको तीन दिने कार्यशाला गोष्ठीमा शिक्षा, यूवा तथा खेलकुद शाखाका प्रमुखले शिक्षक पेशागत सहयोग निर्देशिकाकाको परिचय, रणनीतिहरु तथा तीनको संस्थागत समायोजन लगायतका अन्य विषयमा सहजिकरण गरेका थिए । उनले भने ‘शिक्षाको जग प्रारम्भिक शिक्षा कार्यक्रमले गुणात्मक रुपमा प्रभावकारी बन्दै गएको छ, अझै प्रभावकारी बनाउन अब स्थानीय सरकारलाई जिम्मेवार बन्न आग्रह गरेका छौं ।’ घरमा अभिभावकले पढ्ने वातावरणको निर्माण गर्नुपर्ने, विद्यालयमा आफ्ना बालबालिकाको शिक्षाको बारेमा समय–समयमा जानकारी लिन अभिभावक अग्रसर हुुनुुपर्ने उनले बताए।
Discussion about this post