जयपती ढकाल बाँके माघ २१ गते ।
कर्णाली प्रदेशका सामाजिक बिकास मन्त्री दल रावलले प्रदेश सरकारले विज्ञान र प्रविधिलाई महत्वका साथ हेरेको बताउनुभएको छ । नेपाल बिज्ञान तथा प्रविधि प्रज्ञा प्रतिष्ठानले मंगलवार नेपालगन्जमा आयोजना गरेको परामर्श गोष्ठीमा बोल्दै मन्त्री रावलले विज्ञान र प्रविधिलाई आत्मसाथ गर्दै प्रदेश सरकार अगाडी बढेको बताउनुभएको हो ।
प्रदेश सरकारको मात्र नभएर मुलुकै विकास र सम्बृद्धिका लागि अव प्रविधिलाई जोड्नुको विकल्प नभएको मन्त्री रावलको भनाइ छ । कर्णाली प्रदेशका योजना आयोग प्रमुख डाक्टर पूण्यप्रसाद रेग्मीले कर्णाली प्रदेश अपार सम्भावना बोकेको प्रदेश भएकाले यहाँको सम्बृद्धिका लागि प्रविधिसँग जोडिनु अपरिहार्य भएको बताउनुभयो । नेपाल बिज्ञान तथा प्रविधि प्रज्ञा प्रतिष्ठानका प्रमुख डा.जगत कुमार श्रेष्ठको सभापतित्वमा भएको कार्यक्रममा डा.रबिन्द्र प्रसाद ढकालले समृद्धिका लागि नवप्रर्वतनको आवश्यकता र नेपालमा भएका प्रयासबारे जानकारी गराउनु भएको थियो । त्यसका लागि विद्यार्थीहरुलाई बिज्ञान र प्रविधिमा लगानी गर्नुपर्नेमा उहाँको जोड छ ।
Discussion about this post