बाँके फागुन १ गते । नेपाल विद्युत प्राधिकरण नेपालगञ्ज वितरण केन्द्रले आफ्नो सेवाग्राहीको सुविधाका लागि एउटै ढोकाबाट सेवा दिन थालेको छ ।
विभिन्न सेवा प्रयोजनमा प्रक्रियागत कामका लागि ग्राहकहरुको फाँट-फाँट पुग्दै आउनु परेको झंझटको अन्त्य गर्दै नेपालगंज वितरण केन्द्रले अब एकद्वार प्रणालीबाटै सेवा सुरु गरेको हो। त्यसका लागि एक व्यवस्थित नागरिक सहायता कक्षसमेत स्थापना गरि सेवाग्राहीको कामका लागि कर्मचारी पनि खटाइएको छ । कर्मचारीहरु स्वयम् सेवाग्राहीको कामका लागि आवश्यक विभिन्न फाँटहरुमा पुगी कानुनी प्रक्रिया जाँच तथा सम्पादन गरि एउटै ठाउँबाट सेवाप्रवाह गर्ने जनाइएकोछ। विभिन्न अडचन, प्रक्रियागत अनभिज्ञता लगायतका कारण देखाउदै ग्राहकवर्गबाट पाइएको असन्तुष्टिलाई सम्बोधन गर्न प्राधिकरणको केन्द्रीय नीति अनुरुपनै सो व्यवस्था थालिएको बताइन्छ।
नेविप्रा प्रदेश डिभिजन कार्यालय नेपालगन्जका प्रमुख मुनिन्द्र ठाकुरले एक कार्यक्रमबीच विहिवारदेखि नेपालगंज वितरण केन्द्रमा सो एकद्वार सेवा प्रवाह प्रणालीको शुभारम्भ गर्नुभएको छ ।
पछिल्लो समयमा नेपाल विद्युत प्राधिकरणमा संस्थागत धेरै सुधार आइसकेको उल्लेख गर्दै डिभिजन प्रमुख ठाकुरले अब विद्युत प्राधिकरण आफ्नो ग्राहकमैत्री सेवा प्रवाहमा अगाडि बढेको बताउनुभयो।
“ग्राहकले सेवा लिने हैन, अब हामी कर्मचारीले हाम्रा सेवाग्राहीलाई सेवा दिने हो“ (डिभिजन प्रमुख ठाकुरले भन्नुभयो) “ बरु छिटोछरितो सेवा दिएर सेवाग्राहीको मुहारमा खुसी छर्नुछ।
सो अवसरमा नेपालगन्ज वितरण केन्द्रप्रमुख लखनलला मल्लिकले आजदेखि सेवाका लागि ग्राहकहरुको फाँट( फाँट दगुर्नुपर्ने समस्याको अन्त्य भएकोमा हर्ष व्यक्त गर्नुभयो। ५५ हजार बढी विद्युत सेवाग्राही भएको नेपालगन्ज वितरण केन्द्रमा दिनहुँ सयौँ ग्राहकहरु आउने गरेका छन् ।
विद्युत महसुल बाहेकका अन्य सेवाका लागि सो एकद्वार प्रणालीबाटै सहजरुपमा काम हुने जनाइएकोछ। ग्राहकहरु सुरुमा नागरिक सहायता कक्षमा आउनु हुनेछ , र नियमसंगत कामहरु कर्मचारी स्वयमले पूरा गराइ एउटै ठाउँबाट ग्राहकलाई सेवा दिने नेपालगंज वितरण केन्द्रका सहायक प्रशासकीय अधिकृत श्याम पौडेलले बताउनु भएकोछ। सो सेवा प्रवाहमा सहजीकरणका लागि छुट्टै ३ जना कर्मचारीहरु खटाइको पनि उहाँले जानकारी दिनु भएकोछ।
Discussion about this post