सरला सुवेदी कोहलपुर बाँके फागुन १ गते । सत्तारुढ दल नेपाल कम्यूनिस्ट पार्टी (नेकपा) ले बिहीबार कोहलपुरमा जनयुद्ध दिवस मनाएको छ ।
जनयूद्ध र जनआन्दोलनका महान शहिदहरुको स्मृतिमा २५ औं जनयूद्ध दिवस कोहलपुरमा भव्य रुपमा मनाईएको हो । नेकपा नगर कमिटी कोहलपुर तथा शहिद स्मृति केन्द्र कोहलपुरको सयूक्त आयोजनामा शहिद स्मृति केन्दको भवनमा मनाईएको हो । जनयुद्ध र जनआन्दोलनका महान शहिदहरुको स्मृतिमा २५औ जनयुद्ध दिवस कार्यक्रम शहिद स्मृति भवन नेपाल कोहलपुर मा सम्पन्न भएको छ । शहिद स्मृति केन्द कोहलपुरका अध्यक्ष ओम प्रकाश केशीको अध्यक्षतामा भएको कार्यक्रममा नेकपा अनुसासन आयोगका केन्द्रिय सचिब तथा संविधान सभाका सदस्य अशोक रोकाया रहेका थिए भने बिशिस्ट अतिथी भुमी तथा कृषि मन्त्री आरती पौडेल रहेकी थिइन ।
प्रमुख अतिथीको आसनबाट बोल्दै रोकायाले जनयुद्धद्वारा स्थापित कम्युनिष्ट आन्दोलनको विचार, भावना र इतिहासको एकीकृत निरन्तरता स्वरुप नेकपा अगाडी बढेको बताएका छन् । रोकायाले आफूहरु अब रुपान्तरणमा लागि परिरहेको बताएका छन् ।
रोकायाले जनयुद्धदिवसको शुभकामना दिदैं अहिले सम्मकै उपलब्धिको रक्षा गर्न सबैले पहल गर्नु पर्ने धारणा व्यक्त गरे । उनले शहिद परिवार लगायत सम्पूर्ण नेपालीको हक अधिकारको लागि लड्ने बताए । कार्यक्रममा विशिष्ट अतिथी नेकपा प्रदेश कमिटी सदस्य तथा बाँके जिल्ला सचिब प्रकाश सुवेदी रहेका थिए । भने नेकपा नेता सुर्य ढकाल, नरेन्द्र न्यौपाने,अब्दुल हुसेन खान ,बसन्ति अधिकारि लगायतका नेता कार्यकर्ताको सहभागिता रहेको थियो ।
कार्यक्रममा सहभागि सबैले मौन धारण गरि जनयुद्धका शहीदहरूको स्मृतिमा श्रद्धाञ्जली व्यक्त गरेका थिए । यसअघि पूर्व माओवादीले मात्रै मनाउने जनयुद्ध दिवस यसपटक पूर्व एमालेसहितको सहभागितामा मनाईएको हो । तत्कालीन माओवादीले २०५२ साल फागुन १ गते सुरु गरेको शसस्त्र युद्धको सम्झनामा हरेक बर्ष मनाइदै आएको छ ।
माओवादीले २०५२ फागुन १ गते रोल्पा, सिन्धुली र गोरखाका प्रहरी चौकीमाथि आक्रमण गरी सशस्त्र युद्धको थालनी गरेको थियो । माओवादीले जनवादी राज्यसत्ता स्थापना गर्ने घोषणासहित थालेको जनयुद्धका क्रममा हजारौं नेपालीले ज्यान गुमाएका थिए । फागुन १ गतेलाई जनयुद्ध दिवसका रुपमा मनाइँदै आइएको छ। कार्यक्रममा सयौ नेता कार्यकर्ताको उपस्थिति रहेको थियो।
Discussion about this post