सप्तरी फागुन १० गते । लागुऔषधसहित चार जनालाई शनिबार पक्राउ परेका छन ।
सप्तरीको सुरुङ्गा नगरपालिका–१ नैनडाँवरडाँडा र बोदे बर्साइन नगरपालिका–९ स्वर्णपट्टीमा गरी ४ जनालाई प्रहरी ले पक्राउ गरेको हो ।
पक्राउ पर्नेमा उदयपुर त्रियुगा नगरपालिका–६ बस्ने २२ वर्षीय आकाश परियार र २० वर्षीय आमोदकुमार महतो तथा शम्भुनाथ नगरपालिका–३ बस्ने २२ वर्षीय ललित चौधरी र २० वर्षीय देवनारायण राम रहेको प्रहरीले जनाएको छ ।
पक्राउ परेका साथबाट ३० थान नाइट्रोजन ट्याब्लेट, १९ थान प्रोमेथाजाइन हाइड्रोक्लोराइड इन्जेक्शन, १८ थान डाइजेपाम इन्जेक्शन, १० थान नुरफिन इन्जेक्शन, ९ थान सिरिन्ज, ४ थान नाइट्राभेट ट्याब्लेट, सात-सात थान फेनारगन, नोफिन र डाइजेलेब तथा २० ग्राम गाँजा फेला परेको जिल्ला प्रहरी कार्यालय सप्तरीका प्रहरी नायब उपरीक्षक तिलक भारतीले बताए ।
पक्राउ परेका चारै जनालाई इलाका प्रहरी कार्यालय कडरवोनामा थप अनुसान्धान भइरहेको छ ।
Discussion about this post