बाँके फागुन ११ गते । बाल बिवाह तथा महिला हिंसा बिरुद्ध बाँकेको विभिन्न स्थानिय तहमा कचहरी नाटक प्रर्दशन गरिएको छ ।
अक्सफाम नेपाल तथा स्याक नेपाल बाँकेको साझेदारीमा सञ्चालित महिला तथा बालिका बिरुद्ध हुने हिंसा अन्त्यका लागी अभियान अन्र्तगत राप्ती सोनारी गाउँपालिका र डुडुवा गाउँपालिकामा कचहरी नाटक प्रर्दशन गरीएको छ ।
नाटक स्थानीय सवालहरु समेटेकोले महिला हिसाँ तथा बाल बिवाह न्युनिकरणमा उल्लेखनिय भुमिका खेल्न सक्ने कुरामा आफु बिश्वस्त रहेको स्थानियले बताएका छन् । बाँकेका ग्रामीण बस्तीमा बालबिवाह र महिला हिंसा बढ्न थालेपछि न्यूनीकरणका लागि ‘अति भो’ नाटक शीर्षकमा कचहरी नाटक अभियान सञ्चालन गरिएको हो । ग्रामीण बस्तीमा बालबिवाह र महिला हिंसा न्यूनीकरणका लागि ‘अति भो’ अभियान सञ्चालन सुरु भएदेखि स्थानियवासीमा जनचेतनाको विकास भएको अक्सफाम नेपाल तथा स्याक नेपाल बाँकेको साझेदारीमा सञ्चालित महिला तथा बालिका बिरुद्ध हुने हिसा अन्त्यका लागी अभियानका कार्यक्रमका कार्यक्रम संयोजक राम कुमारी चौधरी बताउनुहुन्छ ।
पछिल्लो समयमा बालबिवाह र महिला हिंसा, मानव वेचविखनका घटना अत्याधिक बढेपछि स्थानीयस्तरमा कचहरी नाटकले प्रभावकारी भूमिका खेलेको स्थानीयहरुले बताएका छन् । महिला र बालवालिकामाथि हुने हिंसा अन्त्यका लागि ‘अति भो’ नाटक बाँकेका विभिन्न स्थानमा प्रदर्शन भइसकेको । राप्तीसोनारी र डुडुवा गाउँपालिकामा ३० पटक ‘अति भो’ कचहरी नाटक प्रदर्शन गरिएको कार्यक्रम संयोजक चौधरीले बताउनुभयो । दुई स्थानिय तहमा काम गरिरहेको संस्थाले बालविवाह र महिला हिंसाका घटनाको बारेमा हिंसाको चेतना प्रवाह भएको उहाँले बताउनुभयो ।
अहिलेसम्म ३० वटा नाटक प्रर्दशन गरिसकेको छौं उहाँले भन्नुभयो । गतसालमा ४० वटा नाटक प्रर्दशन गरिएको उहाँले बताउनुभयो । आफ्नो गाउँवस्तीमा जसको समस्या उसैको समाधान गर्ने उद्देश्यका साथ संचालन गरिएको नाटकले जहाँको त्यही समाधानको बाटो खोज्नुपर्छ भन्ने सन्देश प्रवाह गरिएको उहाँले बताउनुभयो । राप्तीसोनारी गाउँपालिकामा र डुडुवा गाउँपालिकामा ३० वटा ‘अति भो’ कचहरी नाटक प्रदर्शन गरिएको कार्यक्रम संयोजक चौधरीले बताउनुभयो । तीन बर्षदेखि कचहरी नाटक प्रदर्शन गर्दै आएकोले यसले स्थानीय निकायमा सकारात्मक प्रभाव पारेको कचहरी नाटकका सुचनाधार कृष्ण गिरीले बताउनुभयो । नाटकले बालविवाह गर्ने प्रवृत्ति कम हुदै गएको गिरीको भनाई छ । ‘नाटकमा बालबिवाह र महिला हिंसाको समस्यालाई समुदायले पहिलो चरणमै कसरी समाधान गर्नपर्छ भन्ने सन्देश समेटिएको छ,’ गिरीले भन्नुभयो ।
स्थानीयस्तरमा रहेका सवालमा आधारित भएर ‘अति भो’ नाटक गरिएकाले राम्रो सन्देश गएको आयोजक कमिटिले जनाएको छ । स्थानीयहरुले आफ्ना छोरीहरुको बिहे २० बर्ष उमेर पुगेपछि मात्रै गर्ने प्रतिवद्धतासमेत जनाउने गरेको आयोजकले जनाएको छ । आयोजकका अनुसार नाटकमा महिला तथा बालिकाहरु कसरी हिंसामा पर्छन, सानो उमेरमा बालविवाह गर्दा पर्ने नकारात्मक असरहरु र यी समस्याबाट बच्ने उपायका बारेमा सन्देश दिने गरेको छ । स्थानीय सवालहरु समेटिएको हुँदा महिला हिंसा तथा बालबिवाह न्यूनीकरणमा उल्लेखनीय भूमिका खेल्न सक्ने कुरामा आफु विश्वस्त रहेको गिरीले बताउनुभयो ।
उहाँले महिला हिंसा तथा बालबिवाह न्यूनीकरणका लागि सक्रियतापूर्वक लाग्ने जानकारी गराउनुभयो । स्थानिय तहमा भएको समस्याको समाधानको उपाय स्थानिय तहबाटै हुनुपर्छ भन्ने उद्देश्यका साथ कचहरी नाटकले खेलेको भुमिका रहेको छ । पहिले समाधानको बाटो खोज्ने पछि कानुनी बाटो अपनाउने उहाँले जानकारी गराउनुभयो । घर भित्र मात्र सिमित हुने महिलाहरु घर भन्दा वाहिर गएर आफुलाई चिनाउन, महिलाको मुद्दा र हक अधिकारको बोरमा थाहा पाएको स्थानियको भनाई छ ।
Discussion about this post