बाँके फागुन ११ गते । बाँके र बर्दियाका किशोरीहरुले नेपाली सन्चार क्षेत्रमा महिलाहरुको भुमिका बारे पनि सशक्त रुपमा समाचार आउनु पर्नेमा जोड दिएका छन् । प्लान ईन्टरनेशनल नेपालले किशोरीहरुसंग गरेको कार्यशालामा यस्तो कुरा बताएका हुन् । प्लान ईन्टरनेशनल नेपालले यहि मार्चमा हुन लागेको बेजिङ घोषणा तथा कार्यमन्चको २५ औं बार्षिकोत्सवमा नेपालबाट पनि आफनो सुझाव प्रस्तुत गरिने हुदाँ प्लान ईन्टरनेशल नेपालले सुझाव संकलन गरिरहको छ । विशेष गरि नेपाली सन्चार क्षेत्रमा कसरी लैगिंक समानता ल्याउन सकिन्छ ? लैगिंक विभेदको अन्त्य कसरी गर्न सकिन्छ ? भन्ने बारे किशोरीहरुकोे अनुभव र सुझाव समेटी रहेको छ ।
बाकेमा भएको सो छलफलमा खजुरा गाउँपालिकाबाट सहभागी भएका किशोरी मन्जु थापा मगरले नेपाली सन्चार क्षेत्रमा केवल महिलाहरुलाई निर्वल, घरायसी कार्यमा मात्रै देखाउने गरेको गुनासो गरिन् । त्यसैगरि अर्का सहभागी चेतना केसीले अझै पनि सन्चार जगतमा पितृ सत्तात्मक सोचको रहेकोले पुरुषहरुको बढी समाचार आउने र महिलाहरु र अल्पसंख्यकहरुको समाचार त्यति बाहिर नआउने गरेको बताईन् ।
त्यसै गरि बर्दिया जिल्लाको बढैयाताल गाउँपालिकामा भएको सो कार्यशालामा सहभागी अन्जु चौधरीले नेपाली सन्चारमा लैगिक विभेद भएको बताईन् । त्यसै गरि अर्का सहभागी हसिना खानले स्थानीय स्तरका वास्तविक समाचार नेपाली सन्चारमा ठाउँ नपाउँदा दुःख ब्यक्त गरिन् । किशोरीहरुले आफनो जिवनको २५ बर्षको सपना पनि लेखेका थिए ।
सो कार्यशालामा प्लान ईन्टरनेशनल नेपालका परियोजना संयोजक निभा शाक्य, लैगिक विशेषज्ञ ईन्दिरा थापा, सन्चार विज्ञ सिर्जना बर्जाचार्य र स्पोन्सरसिप सन्चार संयोजक जिनाथ पराजुलीले सहजीकरण गर्नुभएको थियो ।
Discussion about this post