सरला सुवेदी
कोहलपु फागुन १२ गते । दादुरा रुवेला विरुद्धको खोप अभियान सफल पार्न सरोकारवाला सङ्ग कोहलपुरमाअन्तरक्रिया गरिएको छ ।
बाँकेमा ९५ प्रतिशत भन्दा कम गर्नका लागि यो अभियान तीव्र पारिएको हो । पहिलो चरणमा प्रदेश नम्बर १, २, ५ मा फागुन १ गतेदेखि सञ्चालन भै सकेको छ । दोस्रो चरणमा बागमती, गण्डकी, कर्णाली, सुदूरपश्चिम प्रदेशमा चैत १ गतेदेखि ३० गतेसम्म खोप अभियान सञ्चालन हुनेछ ।स्वास्थ कार्यालय बाँकेका प्रमुख धिरजंग शाहले सन् २०२३ सालसम्म नेपालमा दादुरा रुवेला रोग उन्मुलन गर्ने लक्ष्यका साथ अभियान तिव्र पारिएको बताए ।
उनले भने सबै बालबालिकाहरुलाई पूर्ण खोप लगाउने उद्देश्यका साथ अगाडि बढिरहेका छौं ।’
कोहलपुरमा जनप्रतिनिधि तथा स्वास्थ्यकर्मीलाई अन्तरक्रिया कार्यक्रममा शाहले अभियानको क्रममा सक्रिय रुपमा लाग्न स्वास्थ्यकर्मीहरुलाई आग्रह गरेका थिए । बाँकेका कोल्ड चेन निरिक्षक जनक राज गिरीले दादुरा रुवेला खोपको तापक्रम अधिकतम र न्यूनतममा निकै सुरक्षित राख्नुपर्नेमा जोड दिए । ‘विश्व स्वास्थ्य संगठनले तोकेको भन्दा कम र बढि भएमा खोपको औषधि काम नलाग्ने हुन्छ’ उनले भने ‘यसको २० देखि ८० तापक्रमको बीचमा राख्नुपर्ने हुन्छ ।नत्र यसको प्रयोग ल्याउन सकिदैन ।’
स्वास्थ्य कार्यालय बाँकेका खोप अधिकृत देवेन्द्र गुरुङ्गले बाल मृत्युको कारण मध्ये दादुरा एक प्रमुख कारण भएको बताए उनले गुणस्तरीय सेवाको लागि आपूर्ति व्यवस्था तथा खोप कोल्डचेनको व्यवस्थापनको सुदृढीकरण गर्नु पर्ने बताए। कोहलपुर नगरपालिका प्रमुख लुट बहादुर रावतले स्वास्थ्यकर्मीहरुलाई कोहलपुरका कुनैपनि बालबालिकाहरु नछुटाई खोप लगाउनुपर्नेमा जोड दिएका थिए । कोहलपुर नगर स्वास्थ्य शाखाका निमित्त प्रमुख अनिल सिंह ठकुरीले कोहलपुरको वडा नम्बर १ देखि ६ सम्मका २४ वटा खोप केन्द्र स्थापना गरी बालबालिकाहरुलाई खोप लगाउने कार्य तीव्र पारिएको जानकारी दिए । उनले यो अभियान लाई सफल पार्नको लागि कोहलपुर नगरपालिका का सबै वडाका वडा अध्यक्षहरुलाई आग्रह समेत गरेका छन् ।
Discussion about this post