खड्क सुनार
मुगु फागुन २८ गते ।
जलवायु परिवर्तन र स्थानीय अनुकुलन योजना निर्माण प्रक्रिया सम्बन्धि ५ दिने तालिम बुधवार बाट सुरु भएको छ । ग्रामिण सामुदायिक विकास केन्द्र (आरसिडिसी) मुगु र डब्लु एफ .पिको आयोजनामा यो तालिम सुरु भएको हो । तालिम पाँच दिन सम्म सञ्चालन हुने भएको छ । तालिममा जलवायु परिवर्तनले पार्ने असर यसका समाधानका विषयमा चर्चा परिचर्चा हुनेछ ।
जलवायुले वायुमण्डल , जलमण्डलले पार्ने असर र बाढी पहिरो भृक्ष्य आउन नदिन र समाधानका उपायमा तालिममा जानकारी गराईने जनाईएको छ । पछिल्लो समय कर्णालीका हिमाली जिल्ला जुम्ला , डोल्पा , हुम्ला र मुगु लगायत अन्य जिल्लाहरुमा जलवायु परिवर्तनले उत्तिकै प्रभाव पारेको जानकारहरुले बताएका छन् ।
तालिममा बोल्दै कर्णाली प्रदेश डब्लु एफ .पिका पुर्ण नेपालीले जलवायु सम्बन्धि निति तथा कार्यक्रमको तय गरिने र जिल्लामा रहेका स्थानीय तहमा समन्वय सहकार्य गरेर जलवायु परिवर्त सम्बन्धि पार्ने असर प्रभाव र समाधानका उपायहरु अपनाएर अगाडी बढ्ने नेपालीले बताए ।
वर्तमान अवस्थामा कर्णालीका अरु जिल्ला मध्ये जुम्ला , कालिकोट ,र मुगुमा यो कार्यक्रमको थालनी भएको उनले बताए । आफ्नो कार्य क्षेत्रमा योजनाका प्रक्रियामा सहजीकरण हुने र क्षमता विकासका कार्यहरु पनि अगाडी बढाईने नेपालीको भनाई रहेको छ । उनले भने आगामि ४ वर्ष सम्म मुगुमा जलवायु परिवर्तन सम्बन्धि कार्यक्रम सञ्चालन हुने पनि उनले जानकारी दिए । यसै बिच सोही तालिममा तालिम लिन सुर्खेत सहित काठमाण्डौ र ग्रामिण सामुदायिक विकास केन्द्रका कर्मचारीहरु लाई स्वास्थ्य परिक्षण गरिएको छ । अहिले विश्वभर महामारीको रुपमा फैलिएको कोरोना भाईरस कोभिड १९ को सक्रमण बारे स्वास्थ्य परिक्षण गरिएको हो ।
Discussion about this post