बर्दिया चैत्र ३० गते । प्लान इन्टरनेशनल नेपाल फिल्ड कार्यालय नेपालगञ्जले बर्दियामा अहिले सम्म झण्डै ५ लाख ६६ हजार ८ सय ८० रुपैया बराबरका मेडिकल तथा स्वास्थ्य सामग्री उपलब्ध गराएको छ । ठाकुरबाबा नगरपालिकामा मात्रै १ लाख ७० हजार ९ सय ७० बराबरको स्वास्थ्य सामाग्री उपलब्ध गराएको प्लान इन्टरनेशनल नेपालले जनाएको छ ।
कोरोना भाइरस -COVID 19_ रोगका बिरुद्धको अभियानमा आफुहरुले सक्दो सहयोग गरेको प्लान इन्टरनेशनल नेपाल, प्रारम्भिक बालविकास कार्यक्रम संयोजक किरण भण्डारीले जनाकारी दिनुभयो । प्लान इन्टरनेशनल नेपाल फिल्ड कार्यालय नेपालगञ्जले एन ९५ मास्क १ सय २० वटा, सर्जिकल मास्क २ हजार १ सय वटा ह्याण्ड सेनिटाईजर १ सय १० वटा, प्रोटेकटिब आई ग्लास (चस्मा)३० वटा, ईग्जामेसिन ग्लब्स ७ सय जोडा र सर्जिकल ग्लब्स ३ सय जोडा सहयोग गरिएको जनाईएको छ ।
यस्तै किटनाशक औषधी छर्ने मेशिन २ वटा, किटनाशक औषधी २ वटा, पीपीई सेट १५ वटा र मेडिकल गावन ७५ वटा ठाककुरबाबा नगरपालिका, जिल्ला अस्पताल बर्दिया, र स्वास्थ्य कार्यालय बर्दियालाई हस्तान्तरण गरिएको प्लान इन्टरनेशनल नेपालका कार्यक्रम संयोजक भण्डारीले बताउनुभयो ।
उक्त सहयोग सामाग्रीहरु ठाकुरबाबा नगरपालिकामा स्वास्थ्य शाखा संयोजक ईन्द्रबहादुर राजवंशी र जिल्ला स्वास्थ्य कार्यालय बर्दियाका जनस्वास्थ्य निरिक्षक कृष्ण गोपाल चौधरीलाई हस्तान्तरण गरिएको जनाईएको छ । यस्तै बर्दियाका अन्य पालिकाहरुमा पनि समान रुपले सहयोग गर्ने तयारी गरिररहेको प्लान ईन्टरनेश्नल नेपालले जनाएको छ । कोरोना भाइरसका कारण विश्व नै संकटमा रहेका बेला प्लान नेपालले गरेको सहयोगले केहि सहज भएको जनाईएको छ ।
Discussion about this post