बाँके चैत ३० गते । कोरोना भाईरस को संक्रमण बिश्व भरीनै फैलि रहेको बेला हजारौं मानिसहरु अहिले क्वारेन्टाइनमा बसी रहेका छन । उनिहरुलाई खाना खाउने स्वास्थ्य जाँच लगायतको काममा सरकार लगायत बिभिन्न निकाए हरुले हेरी रहेका छन यसै अन्तर्गत नेपालगञ्ज उपमहानगरपालिकाका मेयर डा. धवलशमशेर राणाले आफ्नो तलब क्वारेन्टाइनमा खर्च गर्ने भएका छन । नेपालगन्जका बिभिन्न क्वारेन्टाईनमा बसेको नेपालीहरु लाई खाना खुवाउन राणाले ब्यक्तिगत रुपमा ५० हजार रुपैया सहयोग गरेका हुन ।
नेपाल मानव धर्म सेवा समिति र नेपाल शिव सेनालाई मेयर राणाले उक्त रकम हस्तान्तरण गरेका हुन । विगतदेखी नै आफ्नो तलब भत्ता बराबरको रकम बिभिन्न सामाजिक कार्यमा खर्च गर्दै आएका मेयर डा. राणाले क्वारेन्टाईनमा बसेका नेपालीहरुलाई खाना खुवाउने उद्धेश्यले रकम उपलब्ध गराएका हुन ।
नेपालगञ्जको महेन्द्र बहुमुखी क्याम्पस र दशगजामा टेन्ट टाँगेर बनाइएको क्वारेन्टाइनमा दुई सय हाराहारीमा मानिस बसेका छन् ।
Discussion about this post