सरला सुबेदी बाँके बैशाख १ गते २०७७ । कुमालेको चक्र झै फनफनि घुमिरहने काल चक्रले फेरि एकपल्ट हामिलाई नयाँ बर्षको संघारमा उभ्याई दिएको छ। वि.स २०७६ को दुखदायि बिदाई संगै २०७७ को स्वागत गर्न तयार हुनु परेको छ । वि. स २०७६ले हामीबाट सदाका लागी बिदा लिएर गएको छ । कसैलाई आफ्नो जिवनबाट सदाको लागी बिदा दिनु कत्तिको हृदयविदारक हुन्छ भन्ने कुरा यहाँ सम्झाई रहनु वा बुझाईरहनु पर्दैन ।आउनेलाई जानै पर्ने, जन्मनेले मर्नै पर्ने बिधिको विधान अटल छ । जतिसुकै नचाहेर पनि पुरानो बर्षलाई यहाँ बिदा दिनुपरेको छ। सधै हामी नयाँ बर्षलाई हर्षोउल्लासका साथ स्वागत गरेका थियौ तर अहिले भने डर त्रासको बिच मा रहेरनै २०७७ लाई स्वागत गर्दैछौ। त्यती नै दुखका साथ मन कुडाएर आजका एक बर्षपछी यसलाई पनि विदा दिनुपर्ने छ र अर्को २०७८ साललाई स्वागत गर्नुपर्ने छ ।जसरी हामिले आजको एक बर्ष अघि बडो उल्लासका साथ वि.स २०७६ साललाई पनि स्वागत गरेका थियौ। हामी सधै नयाँ बर्षको आगमनसङ्गै ठुला ठुला आशा लिएर स्वागत गर्ने गर्छौ तर यसपाली बडो डरका साथ स्वागत गर्दैछौ ।दिनहरु हप्ताहरु अनि महिनाहरु एक एक गर्दै बित्दै जान्छन् । अनि अचानक एक बर्षको अन्तिम दिनको ढोकाको संघारमा उभिन पुग्छौ बर्षभरिमा भएका उपलब्धिहरु रहन गएका कमिकमजोरिहरु आयव्ययहरुको खाता पत्र पल्टाउदै डेबिट र क्रेडिटको हिसाब जाच्दै समय जान्छ ।
यथार्थमा भन्ने हो भने नयाँ बर्षले विगतमा भएका कमि कमजोरिलाईहरु हटाएर नयाँ उमंग उत्साहका साथ आफ्नो लक्ष्य तिर अग्रसर हुन हौसला प्रदान गर्दछ। पुराना नकारात्मक कुरालाई पूर्णविराम लगाउन र नविन कर्ममा श्रेष्ठता ल्याउन र राम्रो सस्कार बनाउन सहयोग गर्दछ।प्रत्यक दिनको बिहानिले आउदो दिनभरिको समयको शुभ इङ्कित गरेझै नयाँ बर्षको प्रथम दिनले बाकी बर्षभरिको समयको भविष्यवाणी गर्दछ।नयाँ बर्षको प्रथम घडिको आधारमै त्यस बर्षको सबै भावी कार्यक्रम तय भएको हुन्छ ।ज्योतिषहरुले पत्रीका हेरेरै धर्तिको सम्पुर्ण भूत भविष्य र वर्तमानका सबै कुराहरु छर्लङ्ग बताउदछ्न।
नयाँ बर्षको स्वागत ओहो। हुन्थ्यो तर यसपाली डरमय भएको छ । नयाँ बर्ष, एक बर्षमा ३६५ दिन हुन्छन् । अनि हरेक दिन कसै न कसैको नयाँ बर्ष परेकै हुन्छ।कहिले विक्रम सम्बतको कहिले ईस्वी सनको नयाँ बर्ष अनि कहिले नेपाल सम्वतको नयाँ बर्ष त कहिले इस्लाम धर्मको नयाँ बर्ष कहिले गुरुङ जातिको नयाँ बर्षको ल्होसार बर्ष पर्व त कहिले तामाङ जातिको नयाँ बर्षको ल्होसार पर्व त त्यस्तै कहिले थकालि जातिको नयाँ बर्ष, अनि यस धर्तिमा जन्मने हरेक धर्तीको जन्मदिन पनि उसको लागी नयाँ बर्ष त हो नि हैन र?? अनि हाम्रो देश नेपाल त मन्दिरै मन्दिर को देश हो यहाँ मानिसको जनसंख्या भन्दा पनि बढी देवि देवताहरुको जनसंख्या छ।यहाँ जिवित देवी देवताहरु पनि धेरै छन् ।यहाँ मनाईने सबै धर्मका चाडपर्व हरुको त गणना गरि साध्यै छैन ।हरेक दिन कुनै न कुनै चाडपर्व परिरहेको हुन्छ।त्यसैले सम्पुर्ण पाठक, शुभचिन्तक,र सम्पुर्ण देश बिदेशमा बस्नुहुने नेपाली मनहरु सबैमा नयाँ बर्ष २०७७ को उपलक्ष्यमा अनलाइन खोजखबर डटकम अनि मेरो व्यक्तिगत तर्फबाट कोरोना भाईरस बिरुद्द लढ्न सक्ने सबैमा इच्छाशक्ती बढोस् कसैले दुख पिडा सहेर रुन नपरोस् भन्दै शुभकामना शुभ भावना व्यक्त गर्दै नयाँ बर्ष लाई लकडाउन मै बसेर स्वागत गर्दछु ।
कृपा गरि स्विकारिदिनु होला नयाँ बर्ष २०७७ साललाई ………
Discussion about this post