बाँके बैशाख ७ गते । नमस्ते बचत तथा ऋण सहकारी संस्था लि. बाँके कोरोना महामारी जस्तो विषम परिस्थिति विरुद्ध लड्ने सारथी बनेको छ । संस्थाले देश प्रतिको गहन जिम्मेवारीसँगै समुदाय प्रति चासो सहकारीको सिद्धान्तको महत्वलाई हृदयङ्गम गर्दै सहयोगको एउटा इट्टा थप्ने प्रयास गरेको छ ।
कोरोनाबाट विश्व आक्रान्त एवम् आहात भइरहेको र नेपालमा पनि यसको असर देखिसकिएकोले यसको प्रत्यक्ष असर अति गरिव, विपन्न वर्गहरुमा पर्ने र यस परिस्थितिमा यस्ता वर्गहरुमा न्यूनतम आवश्यकता परिपूर्ति गर्न केही हद सम्म भए पनि सहयोग गरोस भन्ने उद्देश्यले नमस्ते बचत तथा ऋण सहकारी संस्था लि. बाँकेले बाँकेका स्थानीय तहहरुले निर्माण गरेको प्रकोप एवम् राहत कोषमा सहयोग गर्ने निर्णय गरेको छ ।
यसै बिच ०७७ बैशाख ५ गते शुक्रवार नेपालगञ्ज उपमहानगरपालिकालाई र मिति २०७७ बैशाख ७ गते आइतवार कोहलपुर नगरपालिका, खजुरा गाउँपालिका र बैजनाथ गाउँपालिकालाई संस्थाका अध्यक्ष बिष्णु बहादुर रिमाल र सचिव प्रकाश ज्ञवालीले संयुक्त रुपमा क्रमशः नेपालगञ्ज ५० हजार, कोहलपुरलाई २५ हजार, खजुरालाई १५ हजार, बैजनाथलाई १० हजारको चेक हस्तान्तरण गर्नुभयो ।
देश अहिले लकडाउनमा रहेको र यस परिस्थतिमा गरिव निमुखा वर्गहरुलाई अतिआवश्यक सेवा खाद्यान्नको व्यवस्थापनसँगै कोरोना विरुद्धको लडाईमा यो सानो सहयोगको हात अगाडि बढाएको बारे अध्यक्ष रिमालले बताउनु भयो ।
Discussion about this post